雅虎香港新聞 五大旅行常見錯誤 你又中咗幾樣？
相信大家都有豐富嘅旅行經驗， 不過旅行出發前要做嘅功夫實在好多，有時多嘢處理，可能做漏咗或者做少咗某啲嘢，好似以下呢5大常見錯誤咁，唔記得處理分分鐘會令到你嘅行程出現好多麻煩事，所以出發前最緊要都係要再三確認有冇做齊呢啲手續，咁旅行嘅時候就可以安枕無憂啦。
1.開通海外提款
依家好多銀行嘅存款卡都有海外提款服務，尤其銀聯嘅通行性係大部分國家都十分之高，所以出發前記得開通海外提款，以備不時之需。
2.重要文件副本跟身
好多人都唔習慣係出發前將身分證明文件準備定一份影印本跟身，其實意外嘅嘢真係好難講，所以最好係出發前將重要嘅文件，例如護照同駕駛執照影定副本，有起事上嚟都可以有個參考作用。
3.太多信用卡
喺海外消費嘅時候可能會驚現金唔敢而帶大量信用卡，其實每張信用卡海外簽帳嘅匯率都唔同，所以最好出發之前揀定一兩張適合海外簽帳嘅咭，一來可以做個精明消費者，二來亦可以避免如果唔好彩唔見咗財物嘅時候唔會有不必要嘅麻煩。
4.唔清楚轉機情況
計清楚轉機時間其實真係一件好緊要嘅事，尤其牽涉到唔同市區航班嘅時候，更應該提早了解轉機嘅情況同預多啲時間，如果唔係錯過咗航班就會好麻煩。
5.冇預先確認住宿安排
出發前係上網訂住宿依家係好常見嘅事，不過好多時都會發生嘅嘢，就係預訂唔成功但就以為有訂到，最後去到因為房間太爆就無地方住，最緊要都係出發前再三確認住宿係咪已經成功預留，唔係嘅話臨時臨急搵地方住就好麻煩。
如果係住民宿嘅話，記得出發前再三同屋主確認係咪成功預訂。
旅行唔使帶太多信用卡，一兩張就夠。
everyhtingslove@tumblr
出門五件事，記得出發前要做足啦。
相關文章
「去到日本無理由唔買」但返到屋企得個擺字 買完齋擺的5大商品
【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！
