人氣王出騷位位50萬？MIRROR跑行程 要求明碼實價

人氣男團MIRROR以代言人身份出席活動，吸引過百名「鏡粉」守在「核心外圍」舉牌支持，場面墟冚。盛傳「人氣王」姜濤、Anson Lo、AK及Ian單獨出騷價飆升至50萬，他們表示毫不知情，更大爆今年仍未出糧！

MIRROR昨日在活動上跳唱快歌《ASAP》及《BOSS》炒熱氣氛，今次代言出動全隊，問到酬勞是否很可觀？隊長Lokman笑言沒過問，有待之後睇糧單。有傳姜濤、Anson Lo、Ian及AK各人出騷價都是50萬，他們異口同聲表示不清楚，但不論酬勞，總之公司有安排就會做，當中AK更大爆今年還未出糧，搞笑提議公司日後可於日程表列明金額。

Anson Lo拉埋Jer找數

Edan及Anson Lo最近拍完電影，前者興奮表示：「依家都有繼續討論劇情！（之前連踩40個鐘開工？）工作忙都冇辦法，完全冇影響精神嘅，已經習慣咗！」Anson Lo則指獲影后毛舜筠分享演戲技巧，提到《不可愛教主》MV近日破千萬點擊，成為隊中達成創舉的第3人，他謙稱全賴大家支持，問到會如何回饋Fans？隊友AK抵死笑說：「拎番1,000萬出嚟啦！」Tiger亦加把口：「請食飯！」其他成員此時想起Jer仍未「找數」，Anson Lo即醒目地拖隊友「落水」：「如果Jer請完就到我請啦，哈哈！」

Lokman叫余詠珊多捧場

講到今年除夕跨年騷，無綫派出古巨基、李克勤、陳慧嫻及周慧敏等對撼，AK秒回：「好嘢！有得睇前輩嘅演出！」Lokman亦大方說：「一齊倒數係開心事，之後可以互相睇番重播，互相支持！」對於無綫前高層余詠珊受訪時自爆人生污點是睇小MIRROR的威力，Lokman說：「唔使咁大件事！睇多啲我哋，增加點擊！多謝晒！唔使放喺心入面！」