今次又關曾志偉事?傳TVB高層不滿《童時愛上你》劇本 劇集被叫停延至6月開拍

·1 分鐘文章
高海寧 & 張振朗
高海寧 & 張振朗

無綫又有改動啦,今次唔係綜藝而係無綫新劇《童時愛上你》,雖然話曾志偉回歸係負責綜藝及資訊娛樂節目,但睇嚟劇集都受到影響喎。

新劇《童時愛上你》由高海寧和張振朗擔正,講述高海寧係個有錢女, 係出晒名嘅鬼見愁,而張振朗就係寸嘴KOL,因一次意外,高海寧撞傷頭,失憶失智得返8歲智商。張振朗遭高海寧爸爸威逼利誘下要求保守秘密及照顧高海寧,而爆出唔少笑料。

高海寧上月舉行記者會時仲話角色好有挑戰性,似乎對新劇好期待。點知一班演員圍讀劇本後,無綫高層要求叫停,劇本要「大執」,而拍攝時間亦由今個月開拍延至6月。劇集監製廖晉碩接受訪問時都承認劇集要延期拍攝,係因為劇本可以再好啲,同埋疫情關係,搞到好多外景都拍唔到,但角色設定係唔會受到影響。

高海寧 & 張振朗
高海寧 & 張振朗
《童時愛上你》演員圍讀劇本
《童時愛上你》演員圍讀劇本

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!