仔女放榜日 爸媽要識做 記住五大溝通原則
快將到來的放榜日,可算是阿仔阿女人生中第一個「 Big Day」,爸媽們當然很緊張,但說到如何在放榜當日跟仔女好好溝通,其實也很講技巧,要當個「識做」的爸媽毫不簡單。
爸媽仔女想法大不同
「扭計識」IG 之前曾就一些放榜日可能出現的情景進行調查,結果令一眾爸媽大跌眼鏡!爸媽們可能都想第一時間問仔女成績?但同學們卻希望自己先消化才再主動告知。又假如成績未如理想,爸媽們可能會想盡辦法安慰子女?但同學們卻想先有空間自己冷靜一下。從這些調查可見,有時候雙方觀點與角度不同,彼此間溝通感受也不大相同。
五大溝通要訣
在親子關係中,爸媽給予仔女適當空間非常重要,特別是正值青春期的仔女開始有自主意識,溝通需要建立在互相尊重的平等基礎上。而最理想的親子關係,就是如朋友般坦誠相對,當中有五個關鍵要訣,爸媽們謹記在放榜日好好遵從:
耐心聆聽 - 認真聆聽仔女的想法,了解清楚他們到底想要些什麼
給予肯定 - 不要作出過多的批判,相反,應多肯定仔女有自己的獨立思考
有商有量 - 尊重仔女的想法,凡事有商有量,不要一言堂
情理兼備 - 除了在道理上要說得通,也要顧及仔女的情感
言行一致 - 講得出要做得到,答應了仔女的事就不能反悔
此外,「扭計識」IG 亦就更多有關同學選科以及跟父母相處的問題進行調查,可供爸媽們參考:
調查一:當你煩緊大學揀咩科果陣,你會想爸媽點幫你?
唔駛特別做啲咩,只需要支持我嘅決定
同我客觀分析吓唔同科嘅優劣,幫我易啲揀
煮多啲好餸、煲多啲靚湯,默默關心吓我
其他
結果: A: 269票, B: 178票, C: 142票, D: 10票
(小編短評:最多人揀只想爸媽支持自己決定,亦有部份想爸媽幫手分析吓,但講到尾仔女都係想要多啲空間自己諗清諗楚!)
調查二:當你想讀嘅科同爸媽預期有落差,你會⋯⋯?
同佢哋開心見誠傾吓先,希望佢哋尊重我
會重新再考慮吓、諗真啲,睇吓邊面好啲
唔會改變,堅持己見
其他
結果: A: 226票, B: 137票, C: 133票, D: 7票
(小編短評:睇落仔女都係會堅持自己,亦有部份表示會重新考慮吓,爸媽們最緊要記得尊重仔女嘅想法!)
調查三:你最驚爸媽用咩 mode 同你溝通?
命令 mode,即係佢講晒
威脅 mode,搵嘢嚟大我
忠言 mode,有時忠言仲難聽得入耳
以上皆是
結果: A: 172票, B: 252票, C: 90票, D: 556票
(小編短評:最多人揀「以上皆是」,即係以上三種 mode 都要避免,爸媽們要記住啦!)