伍富橋健身室撐住!譚俊彥趁機裝修餐廳

·1 分鐘文章
譚俊彥諗定靠外賣幫補生意。
譚俊彥諗定靠外賣幫補生意。

食肆於明日傍晚6時後禁堂食,同為餐廳老闆的出爐視帝、視后譚俊彥與林夏薇各有想法,譚俊彥說:「頭都暈埋,因為《男神廚房》之後,都有幾多朋友嚟支持,有好多Booking,會逐個通知番。知道嗰剎那大吃一驚,但都有個好處,因為我哋一直想搵時間執一執間餐廳,換地板同添置新用品,做少少裝修。如果農曆新年都未開得番夜晚堂食,會推出唔同產品,等大家買返屋企食,暫時唔會花時間去諗啲解決唔到嘅事,解決咗依家嘅問題先。」至於裝修費大約6位數字左右。擁有10多間食肆的林夏薇則呻慘:「一定會遵從政府指引,不過當然好慘啦!比較好嘅係我哋唔係主力晚市,睇吓外賣會唔會幫補到,一定要捱,睇吓要捱幾耐。」

至於伍富橋與鄺潔楹去年10月各投資6位數字,與朋友合資開設健身室,怎料開業不久便要停業14日,對此,伍富橋相信會撐得住:「的確係好艱難嘅時候,惟有全力配合政府,希望大家同心協力渡過難關。」

伍富橋與鄺潔楹合資的健身室去年底才開業。
伍富橋與鄺潔楹合資的健身室去年底才開業。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能