何雁詩宣布大肚 6月預產期恨見B仔出世

·1 分鐘文章
何雁詩宣布大肚 6月預產期恨見B仔出世
何雁詩宣布大肚 6月預產期恨見B仔出世

歌手何雁詩與鄭俊弘(Fred)2020年拉埋天窗,並於去年11月補擺喜酒,講明恨生BB嘅二人喺前日(11日)忽然晒出合唱片,並賣關子要唱歌畀「Dear Little One」,吊足網友胃口兩日,今日(13日)何雁詩終於發長文公布大肚喜訊,仲自爆BB仔男仔,預產期為今年6月中!

何雁詩同鄭俊弘結婚2年,終於「搞出人命」喇。
何雁詩同鄭俊弘結婚2年,終於「搞出人命」喇。

阿仔6月就會出世見大家。
阿仔6月就會出世見大家。

何雁詩冧爆宣布佗緊「虎年BB」,指一知道自己懷孕之後,佢同Fred都勁興奮,雖然懷孕過程中佢情緒上都有大大小小嘅變化,不過Fred都一一聆聽佢嘅憂慮,又照顧佢嘅所有需要,令佢唔再覺得孤單,仲大讚老公既體諒又貼心,第時一定會係一個滿分老竇!而Fred都同步更新社交網,同樣公布喜訊,大談自己做老竇嘅心情,指自己都要小心照顧老婆,仲自爆情緒好似暴風一樣,開心、興奮、擔心、恐懼咩都有,不過一切都會聽天由命。


何雁詩仲不斷多謝鄭俊弘好體諒佢,又細心照顧自己。
何雁詩仲不斷多謝鄭俊弘好體諒佢,又細心照顧自己。
真係睇啲字都Feel到佢哋幾咁興奮。
真係睇啲字都Feel到佢哋幾咁興奮。
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能