余文樂自家頻道大曬台灣豪宅與工作室 內地網民斥「台灣腔」嚴重：聽得好難受

余文樂上個月開設YouTube個人頻道《Inside Out》，希望分享熒幕以外最真實嘅自己予觀眾，逢星期二上午11時更新一集。日前（26日）首播嘅一集，余文樂就公開喺台北價值台幣2.8億嘅豪宅及工作室，大曬簡約裝與藝術品名畫，不過內地網民卻指余文樂移居台北後連講嘢都有種「台灣腔」，紛紛留言狠批。

喺影片中，余文樂先揸住一架價值約3萬5千港元嘅SUPER73電動單車，及後公開工作室，裡面擺放唔少潮物潢佈置、藝術品名畫同埋古董傢俬，連同地庫休息室均擺滿一堆潮鞋及其品牌製作嘅服裝，猶如一個小型博物館。余文樂就分享休息室係想營造一個可以休息互動嘅舒適環境，就連之前隔離都係住呢到。佢仲指自己有強迫症，又認為自己有病：「我是那種別人碰過我的東西我都會知道的人。」就好似見到之前喺搬運過程中磕到破損嘅椅子，余文樂都會感到心痛。

另外，余文樂帶觀眾參觀佢同太太王棠云位於台北市中正區嘅豪宅，除咗同囝囝Cody玩玩具車，仲影到王棠云為余文樂打點拍攝事宜，余文樂講笑咁話太太係助手又取笑佢素顏：「平時大家在照片看到的都是騙人的。」內地網民似乎未有對佢兩公婆溫馨畫面及工作室、家居裝潢感太大興趣，反而留意到余文樂講嘢台灣腔超嚴重，仲喺微博留言：「聽得好難受啊，好想扁你啊」、「這種人為什麼微博還不封禁？」、「台灣住久了台灣腔現在這麼重…」、「定居台灣省，不再拍戲了？」及「香港人拿他當中國人，中國人拿他當gd，台灣人懶得搭理他。」等等，不過亦有部份網民指好喜歡呢種題材。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！