修例風波:有指鄭若驊低調返港 律政司拒披露身在何處

on.cc 東網

【on.cc東網專訊】民望長期「墊司底」兼醜聞不斷嘅律政司司長鄭若驊,上月中喺英國倫敦訪問期間被反修例示威者包圍,混亂期間狼狽仆倒街頭,左手腕脫骹兼骨折,並留英休假養傷,有報道則指佢已低調返港,但律政司拒披露佢身在何處。


東網向律政司查詢有關鄭若驊係咪已經返港、係咪已恢復上班抑或仍在放病假,以及幾時會復工等等,律政司回覆指司長早前喺倫敦被推跌受傷,接受手術後現時正放病假,期間司長仍然繼續處理公務,但有部分工作,由於司長佢尚未完全康復因而唔能夠處理,例如出席活動等,仲話若有進一步消息,司長會適時公布。但並冇講到佢究竟仍然留喺英國抑或已經返港。


鄭若驊早前曾解釋受傷情況,指左手腕脫骹兼骨折,需要裝上鈦板,協助穩固骨折位置,又指醫生稱其左手至少需要3個月至1年才能完全康復,其手部神經有受損的症狀,日後可能需要做手術。

【更多即時新聞詳情請上東網新聞

你可能還想看