停騷半年終開鑼 感激零退票 子華 為舞台劇捱到虛脫 街邊

■楊博士夫婦齊捧場,與劉嘉玲(右)開心合照。
■楊博士夫婦齊捧場,與劉嘉玲(右)開心合照。
■蘇絲黃(左)、金燕玲齊到場支持。
■蘇絲黃(左)、金燕玲齊到場支持。

【星島日報報道】黃子華、潘燦良主演的舞台劇《最後禮物》前晚正式開鑼,子華除了多謝主辦的楊受成博士以鴻厚實力支持外,更多謝觀眾願意零退票地苦等。不過兩人連聲指為此演出每晚等同虛脫,子華坦言︰「各位觀眾有機會來睇,睇過包你認同係抵 !」而潘燦良則曬命,指老婆蘇玉華已經搬定張按摩椅出廳,讓他每晚收工可以按摩紓緩 。 文:霍淇 圖:譚志光

舞台劇《最後禮物》原本今年一月公演,因疫情延至前晚才在演藝學院開鑼,展開一連40場演出,一眾圈中紅人包括楊受成伉儷、劉嘉玲、林嘉欣,佘詩曼、蘇絲黃、金燕玲、蔡一智、徐濠縈等紛紛到場支持,星光熠熠。演出結束後一眾演員謝幕,觀眾掌聲雷動,主辦單位英皇娛樂主席楊受成博士上台感謝台前幕後及觀眾在這段時間耐心等待,他說:「我要多謝 緊39場的觀眾,聽講當日決定停演之後出通告,觀眾可以退飛,但退飛的人差唔多係零!」潘燦良亦笑言:「身邊朋友死都要 住張飛,等到我 演 日,多謝同我 一齊堅持的觀眾!」

黃子華則特別多謝楊受成博士:「 呢個騷停的六個月,中間好多騷停 就冇 ,好陰公,要好有實力的人先可以安排做返咁多場!」至於個個來撐場的好友都激讚子華係100分「神」演出,子華笑言:「神,係呀,我當自己係『神神 』(神經個神) 啦!」更坦言演出完確係虛脫,「我試過綵排後開車回家,開了五分鐘車, 到在一條最繁忙街道上面,同自己講︰『算啦,掉低架車 係路邊算!我頂唔到啦!』後來真係要停低架車,休息一陣先再開車回家。」又笑稱︰「各位觀眾有機會來睇,睇過包你認同係抵 !」潘燦良也說︰「這套戲真係每次做完都覺得好花工夫及氣力,好勞氣!我老婆已經搬定張按摩椅出廳畀我,每晚收工返去可以按摩紓緩 。」

嘉玲爆偉仔工作排到兩年後

此外,來捧場的劉嘉玲表示已返港兩個月,稍後會到日本找正在旅行的老公梁朝偉:「但會幫電影《明日戰記》宣傳完再去。」她又透露偉仔都有興趣嘗試演舞台劇:「偉仔應該上一上舞台,我一直有幫他睇劇本,佢都心郁郁,但就猶豫不決,很多顧慮,其實佢有乜好顧慮?演戲又好過我!」嘉玲又指偉仔的工作已排到兩年後,稍後他亦會赴加拿大拍Netflix劇,該劇亦因疫情延遲:「開拍時我都會去睇一睇就走,唔想騷擾他演出,我都唔鍾意。」

■潘燦良(左)指老婆蘇玉華已搬定按摩椅慰勞他;子華就笑言觀眾睇過實讚抵 !

■楊博士夫婦齊捧場,與劉嘉玲(右)開心合照。

■林嘉欣到場支持子華、燦良的舞台劇。

■楊受成博士感謝觀眾願意零退票苦等。

■蘇絲黃(左)、金燕玲齊到場支持。

■蔡一智和太太拍住拖睇演出。

■老拍檔佘詩曼現身撐子華。

娛樂



睇更多

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能