兄弟爭家產 起楝超薄屏風樓擋海景攬炒
有錢人家爭家產時有所聞，出招來來去去都係打官司？
喺黎巴嫩首都貝魯特，有楝好有香港特色嘅屏風樓，起喺海邊位置。
不過佢比港式屏風樓更似屏風，因為夠薄！
最窄嘅位置只得2呎，最闊都係得4米，
奇在楝樓係住到人嘅。
介紹返，大廈有個名叫「仇恨」，一聽都知有背景。
是咁的，當地一戶有錢人家嘅兩兄弟，由老豆手上繼承一塊地。
呢塊地本身係三角形，其中一忽（A)係向海，但面積比較細；
另一忽大啲(B)，但市政府有業權起基建項目。
由於兩兄弟各自持有兩個部份，但又傾唔掂數點合作，
揸住B嘅一位決定起樓再拆細出售。
而擁有A嘅都唔示弱，即使塊地咁細，都要起楝屏風樓，
遮住個海景，等B起出嚟嘅樓賣唔到好價錢。
即使咁薄，「仇恨」都可以做到一梯兩伙，
可惜後來被人租嚟做風月場所，之後就用來收容難民。
而且因為後來法例改變，咁細塊地唔可以拆咗「仇恨」嚟起過楝新樓，
「仇恨」就繼續屹立不倒。
呢個故事正正講出，利益當前，就會製造「仇恨」。