克勤追問買豪宅 老婆鬧多事

·2 分鐘文章
克勤不知老婆買豪宅是自住還是放租。
克勤不知老婆買豪宅是自住還是放租。

前港姐冠軍盧淑儀日前斥巨資買豪宅,身為老公的李克勤前晚出席活動時,自爆非「第一手」知道消息,不知物業用途之餘,就連資金是否老婆的私己錢也不知,笑言追問老婆時,更反被責怪多事及不懂行情!

譚詠麟(阿倫)、李克勤、李佳芯(Ali)與陳展鵬等,前晚到電視城出席無綫慈善節目《萬眾同心公益金》,首任慈善騷司儀的港姐亞軍陳楨怡,以爆乳造型揮低同場女星。

「睇新聞先知」

手持拐杖現身的克勤,透露繼日前踢波傷膝後,近日腰部舊患亦復發。談到太太盧淑儀近日以首置身份,豪擲逾2,500萬元買黃竹坑豪宅,他笑言:「我幾乎係睇新聞先知,佢趁我教緊人唱歌、唔係好覺嘅時候略略提過,直到我睇到報道,我問佢,佢就話我『多事、識乜』。(太太用私己錢買?)唔知,我都一頭霧水!(自住定投資都唔知?)等我返去問吓佢先。」對於《聲夢傳奇》一班導師近日被轟胡亂淘汰學員,身為主理人的他理解導師們的困難,坦言手掌手背都是肉,當日決定不做評判有先見之明,毋須參與淘汰環節。

志偉流TVB膿

已2年沒現身電視城的阿倫激讚《聲夢》參賽者炎明熹,指對方年紀輕又乖巧。對於網民指他「點燈」的藝人如接「死亡之吻」,他笑言:「傻啦,克勤唔作準,佢係大器晚成,陳奕迅同鄧紫棋喺內地未紅嘅時候我已經講,話係有實力,事實勝於雄辯,時間證明一切。」問到之後會否多點現身無綫,撐高層老友曾志偉?他笑言:「佢依家係『TVB八公』,每事問,為個台付出好大,克勤流住TVB嘅血,志偉就流住TVB嘅膿,有漿添!」

至於Ali否認被富商力追,指對方是她的生意夥伴,但從未到訪其豪宅:「佢唔係報道講到咁浪漫,佢公司有部雪機,開過一次畀我睇,我仲冇化妝自拍咗張相添,冇諗過咁就被人誤會。」

譚詠麟、曾志偉
譚詠麟、曾志偉
陳楨怡低胸上陣,搶盡風頭。
陳楨怡低胸上陣,搶盡風頭。
李佳芯否認被富商力追。
李佳芯否認被富商力追。