雅虎香港新聞 
入行42年 育有三子女 張國強二女長得很甜美
「一飛沖天去，小小穿梭機········」相信年過40嘅朋友會諗起TVB兒童節目《430穿梭機》同第一代主持人張國強（KK），最近佢喺無綫劇《天命》演太上皇乾隆，贏盡讚賞人氣再度沖天，今次本刊就搵嚟KK歷年圖片，同大家重溫佢昔日嘅風采。
撰文：東方新地｜圖片：新傳媒圖片庫、張國強微博
延伸閱讀：
張國強《天命》飾乾隆
KK在近日熱播中嘅無綫劇《天命》中飾演太上皇乾隆，寵信於才智過人的和珅(陳展鵬飾)。
網民都大讚KK將晚年乾隆對和珅既愛且恨嘅情感表現得淋漓盡致，勁好戲！
但乾隆喺第4集就駕崩，令網民都太嘆唔夠喉！
回帶睇翻五年前《情越海岸線》嘅KK，身材弗到漏，點估到佢今年已經61歲！
張國強 80年靚仔體育老師
80年24歲嘅張國強剪咗個冬姑頭喺《上海灘續集》演許文強表弟，髮型有啲土氣，但襯埋件三間牌運動衫，成個活力澎湃嘅小鮮肉體育老師。
83年廿七歲孩子臉
張國強76年替無綫拍《無花果》後，足影視三線發展，相中廿七歲嘅KK一副孩子臉，接受TVB官方刊物訪問同影唔同造型寫真時，春風滿面對未來充滿信心。
紳士愛足球
張國強雖先後効力過愉園、東方同海蜂，但後備居多，四年足球生涯發展唔理想下，81年選擇退役，呢次著踢死兔西裝喺龍門口踩波留影，盡顯不死足球心。
精工衫踢波
已故球王胡國雄領導嘅精工足球隊雄霸香港七、八十年代球壇，張國強亦跟風著上精工V字款球衣大顯控球技術。
82年同阿倫訪泰
張國強球員生涯時認識咗參與香港流浪預備組嘅譚詠麟，82年兩人加入精工八二職員隊，訪問泰國時哄動一時，兩位星級人物吸引到大批女球迷索取簽名。
82年《430穿梭機》主持
張國強82年迎來新挑戰，擔任兒童節目《430穿梭機》第一代主持人，由佢任機長，方家瑩任副機長，著上太空制服喺穿梭機內執行任務，但KK做咗四年就離開TVB，簽約德寶重投影壇。
星爺 KK 喜相逢
84年《430穿梭機》內由周星馳同龍炳基合演嘅趣劇《黑白殭屍》大受兒童歡迎，兩人同機長張國強、取代方家盈任副機長嘅譚玉瑛、曾華倩影大合照，如果加埋另一主持梁朝偉就更加無敵。
79年首拍電影孭飛
79年張國強處男電影《點指兵兵》就擔任男主角之一，演一個膽小新仔ClD，ending喺大廈長走廊同變態殺手對峙一幕夠經典，九年後再演導演章國明另一電影《點指賊賊》。
83年《波牛》威盡日台
83年張國強同元彪合作拍電影《波牛》，影片搵咗名將何新華同球王胡國雄任技術指導同顧問，片中KK同元彪盡顯悅目花巧腳法，套戲喺日本同台灣大受歡迎，令KK多咗唔少日本fans。
露半股被毆
因元彪扠禍狄威打假波而同對方反目，元彪同張國強改投另一球隊同狄威決戰，但狄威球隊茅招盡出，KK除被掹褲露半股外，更遭拳打腳踢。
97年代表作《天龍八部》
張國強97年喺《天龍八部》演偽君子慕容復，劇中心狠手辣，為復興大燕不擇手段，可出賣一切，演得淋漓盡致、絲絲入扣，係KK嘅電視劇代表作。
06年出《足球教室》DVD
職業足球員出身嘅張國強，06年推出《足球教室》DVD，共分六個學習章節，KK親身示範各類型足球技巧並教授箇中竅門，而KK更同長子張寶軒父子檔上陣。
張國強與兒子張寶軒(Timothy)。
講到星二代，育有三名子的KK對家事都好低調，他的細女張寶康(Holly)、大仔張寶軒都甚少出席公開場合，惟早年罕有地和子女接受本刊專訪。
KK的二女張寶洋(Katy)有甜美的樣子，近年和朋友夾份在灣仔開餐廳，據KK所講，囡囡無意入娛樂圈。
KK接受本刊專訪，提供早年一家五口全家福，睇真啲，張太也長得很甜美，難怪女兒也遺傳了她的優良DNA！
【父母都係中國人】同細佬都鬼鬼哋？陳凱琳：我係爸爸媽媽親生！
資優生連跳兩級！陳浩民大女 6歲半讀三年級
39歲處女下海 噴血寫真吸富豪 楊思琦：好多人問價！
【港姐2018】第二輪面試！整容女唔見晒！
宮女輪入豪門 直擊何艷娟甜蜜爺孫戀
鄧麗欣甜笑認愛王子 小方掩面網民祝福
8位紅星公開減肚腩餐單
延伸閱讀：
