內地盛傳中招唔好沖涼 「細細粒」陳嘉佳中招三日冇沖涼洗頭 網民反應超兩極

現年37歲嘅「細細粒」陳嘉佳憑TVB劇集《老表，你好嘢！》及《老表，你好Hea！》為人熟悉，近年長駐內地發展搵真銀，主力喺抖音直播擔任「吃播」及拍片同網民分享。近日佢喺抖音拍片自爆中招，跟足內地坊間傳言指中招後不能沖涼，並指自己已經三日冇沖涼洗頭。

最近內地盛傳中招後唔好沖涼，而中咗招嘅陳嘉佳近日亦上載影片到抖音同網民分享中招近況，素顏上陣嘅陳嘉佳睇落非常憔悴，眼袋同黑眼圈都勁深，佢喺片中表示聽講陽性咗係唔可以沖涼同洗頭，如果唔係就會毛孔擴張，所以佢已經三日三夜冇沖涼同洗頭。之後，佢仲手撥佢個把又油又亂嘅頭髮，並話：「我的口也被我臭吐了，我想問大家有甚麼辦法可以不洗頭、不洗澡但頭不會那麼油，你們陽了有沒有洗頭洗澡？好想睡。」另外，陳嘉佳亦分享抗病毒的三招保健法，分別係每日飲12支水、食有麥盧卡成分嘅蜂蜜及用喉嚨噴霧，用咗呢三招之後佢就冇出現重症。

影片出街後，佢三日冇沖涼洗頭就引起網民熱議，除咗有網民指佢迷信之外，網民反應兩極，有認同佢嘅做法，留言「真心不能洗。我就冲了一下，立馬温度上来」、「誰說不能沖涼，絕對要冲凉，大熱水來洗」、「千萬别洗，主要怕風寒入題加重病情」及「親身經歷，不能洗澡，會更辛苦。」等等，同時亦有網民指必須沖涼，留言話「可以洗，我天天洗啊我中招那幾天，天天洗可以洗」、「可以洗的啊，發燒洗澡還能降温啊。我羊了也天天洗」、「為啥不能洗澡？退燒不就是需要散熱？」及「發燒必須要冲凉，是對發燒、感冒非常好的療效。」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！