全民造星5︳AK Lokman@MIRROR 肥仔 阿Dee@ERROR 溫哥華吉隆坡揀師弟 花姐自爆唔使做監製

ViuTV王牌節目《全民造星》今日開記者會公布即將舉行嘅第5季詳情。今季將會喺香港、吉隆坡同溫哥華舉行招募,同之前傳過會去英美等地選秀,規模細得多。公開招募由今日至8月11日進行,而製作單位MakerVille將會派出ERROR嘅肥仔(梁業)同阿Dee(何啟華)去吉隆坡揀蟀,MIRROR嘅正副隊長Lokman(楊樂文)及AK(江㷸生)就會負責溫哥華部份。

唔少得搵MIRROR拍宣傳片
唔少得搵MIRROR拍宣傳片
點少得Anson Lo
點少得Anson Lo
更加唔會冇姜B
更加唔會冇姜B
AK 同Lokman會去加拿大搵新血
AK 同Lokman會去加拿大搵新血

記者會上,《全民造星》頭4季嘅監製花姐自爆今季唔使做監製,又話每年完咗個show都想唔做,只係被高層魯庭暉迫,不過節目多年來產生咗MIRROR、ERROR、P1X3EL、COLLAR及MC張天賦等樂壇生力軍,令佢覺得節目做到「俾香港人希望」嘅宗旨。

花姐自爆唔使做監製
花姐自爆唔使做監製
肥仔、阿Dee@ERROR會去吉隆坡,花姐話想跟埋去
肥仔、阿Dee@ERROR會去吉隆坡,花姐話想跟埋去

有份揀人嘅肥仔就希望搵到高過193或者矮過自己嘅人選,花姐就話以往會揀靚仔靚女,但係同場嘅肥仔同阿Dee証明咗佢地雖然外表唔得,但係一個係排舞老師一個有創作才華,令佢認為有熱情比起個樣更重要。

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能