【兩日一夜】保留日治時期風格 南投車埕老街初體驗

好多人去台灣，都好嚮往古早風味，想感受一下老台灣風格；不過作為香港人，未必知原來台灣人近年愛上咗南投縣水里鄉一個名為「車埕」嘅小村，車埕為日治時期日軍發電廠及林木廠，由於多人口聚集，當年被稱為「小台北」，雖然及後產業式微，人口外移，不過仍令當地保留住日治時期風格。今日為大家介紹一個車埕老街兩日一夜行程，玩盡特色景點！

Day 1:

早上：先乘高鐵至台中站，再乘火車往水里，於終點站車埕下車即達。留意，本身車埕火車站已經係一個景點，係台灣少有仍然保留日治時期風格嘅車站。

中午：日式庭園食素食火鍋

一落火車，影完相唔好心急走住，因為火車站附近就已經係呢間名為「澄石心天畝」，原址係當年日治時期日本人住所，原汁原味令人尤如到咗日本一樣，餐廳供應全素食火鍋，所有蔬菜菇類都係本地新鮮出產。坐於餐廳上榻榻米上，食住全素火鍋，令人身心都Refresh過來！

保留當年日治時期風格，原汁原味。

除咗全素火鍋，亦有麵食、天婦羅等供應。

作車埕老街之中代表店舖，當然有一定實力。

澄石心天畝

地址：南投水里鄉民權巷3號

營業時間：10:30AM至6PM

下午：車埕酒莊嘗梅酒

車埕當年除咗有發電廠及林木廠，亦有一所酒莊，早前關禁幾十年後，再次開放予旅客參觀。梅子為車埕特產，因氣候及地理環境，車埕種有全台灣有名嘅梅子，因此成為梅酒出產地，車埕酒莊中梅酒有唔同嘅酒精濃度，可以話任你選擇合適梅酒。參觀酒莊仲可以試飲唔同嘅梅酒，試啱先買，送禮自用都一流！

車埕酒莊供應全台灣海酒，非常有名。

遊客可以即場試飲不同梅酒。

因氣候及地理環境，車埕種有全台灣有名嘅梅子。

車埕酒莊

地址：南投水里鄉民權巷118號

營業時間：9AM至5PM

夜晚：親子民宿房有滑梯玩？

台灣有唔少親子民宿，大家可能都見得多，不過房入面有滑梯你又見過未？呢間名為「集集住宿。方舟文旅民宿」，主打親子房，4人房中有唔少主題，例如遊樂場、賽車場、龍貓等。除咗親子房，亦有浪漫嘅2人房供情侶夫妻入住；民宿四周牆壁上有手繪車埕景點地圖，極為獨一無二！

集集民宿車埕店，為親子而設計。

唔同親子房有多種主種，連滑梯都有。

天台仲有小泳池可以供小朋友浸浴。

集集住宿。方舟文旅民宿

地址：南投集集鎮集賢街503號

預訂：按這裡

Day2:

早上：掃車埕老街小食

離開車埕前，當然要最後努力玩到盡，而車埕老街就係遊人必去之地。老街中有唔少特色小食，包括著名冬瓜茶「車埕冬瓜伯」，台灣本地人都會排隊去飲，包括各種古早味冬瓜特飲，另有全人手製冬瓜糖、日式茶葉蛋等。另外「車埕阿嬷的古早味」則供應台式傳統客家碗粿、南瓜菜包等古早點心小食，同樣係必吃小食之一。

車埕冬瓜伯，供應古早味冬瓜茶，全為特色冬瓜製品。

連台灣人都推崇嘅冬瓜茶，值得一試。

「車埕阿嬷的古早味」則供應台式傳統客家碗粿。

車埕老街

地址：南投水里鄉民權巷65號

營業時間：9AM至4PM

【立即讚好】全新 Yahoo 旅遊 Facebook 專頁

Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！