利穎怡復工回歸《東張西望》罕有上載與老公合照放閃

有「東張正義女神」之稱嘅利穎怡一直都受皮膚病嘅影響，早前更加突然突然生風癩，紅疹仲蔓延至臉上，令佢不得不取消所有工作行程停工休養，好彩佢閉關數日之後皮膚得到改善，早前終於可以復工回歸《東張西望》。一向都低調處理感情事嘅佢近日少有地喺IG放閃，仲公開咗合照，感激對方嘅陪伴。

利穎怡喺IG限時動態上載與老公嘅合照，並寫上：「話說早前白色情人節我與伴侶吵架，佢同我講ACTIONS SPEAK LOUDER THAN WORDS，你每天跟我說”我愛你”又怎樣......其實前陣子生病，多了很多時間在家反思，也讓我重新定義好友兩字。我是一個極度容易就相信別人是我好友的人。但這次讓我留意到好多真正關心我的人，我想這就是大概我伴侶所說的ACTIONS SPEAK吧！所以我決定......除了每天說我愛你。也每天親你一下lol 不過真心感謝你陪伴我走過我所有高高低低（雖然沒怎麼高過），無論是我的depression（抑鬱）、M痛、濕疹、風疹，你都陪著我。也特別特別珍惜所有身邊真心關心我的好友們，我也愛s妳們」

現年33歲嘅利穎怡，喺多倫多大學畢業後回港發展，加入無綫後，除咗主要負責主持《東張西望》之外，佢亦有參演唔少劇集，不過就以配角及閒角為主，例如《My盛Lady》、《忠奸人》、《愛·回家之開心速遞》及《陀槍師姐2021》等等。至於感情方面，佢喺2019年被爆出與圈外男友結婚，Joan一直都將感情事低調處理，所以之前都冇喺社交網站放過閃。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！