劉馬車稱與林芊妤係長期炮友獲本尊回覆 再拍片指Coffee老公都知佢哋嘅關係

網絡紅人劉馬車言行出位，早前於IG PO出多張與鄧月平舊合照，自爆曾與對方拍拖，表示好後悔當年無好好珍惜鄧月平，惹鄧月平親自回覆：「希望你好好做人」。近日，劉馬車又稱自己與林芊妤（Coffee）係「長期炮友」，Coffee隨即留言回覆：「睇嚟大家打風都好悶」。

劉馬車日前分享一張與Coffee廣告紙板嘅合照，表示即將會與Coffee情侶檔合作，著大家多多支持，又寫道：「其實馬車一直都同Coffee有發展地下情，而且馬車同Coffee係長期炮友，大家千祈唔好話俾Coffee老公知！」，不過一眾網民都無人相信呢番驚人言論，仲留言：「人地coffee做瑜珈，你就成日好瘀（比人成日打到爆缸）好假（九萬幾條女）呀」、「好心馬車生性d啦」、「一個月平都話有合照可以作下，唔好對住紙板公仔就當真人啦，法官欠你一個交代」等等。而Coffee本人都有留言，表示睇完網民留言就安心：「係咪真係有人會信？點解亂噏都可以咁多人有反應，睇嚟大家打風都好悶，不過睇完大家嘅留言我就安心啦，證明大家都係理性既」。

Coffee亦於昨日（3日）上載與劉馬車嘅對話截圖，從截圖中見到劉馬車曾私訊Coffee表示想合作，但Coffee未有回覆，Coffee寫道：「其實係咪我之前無應佢，跟住佢就開始作故仔？成件事好匪夷所思，佢想博取我嘅留意係為乜嘢？關注度？咁我畀你啦。但我真係無興趣合作，啱啱放完假返嚟好忙。」之後，Coffee又再PO出網民回覆佢嘅DM截圖，該網民表示：「佢都騷擾咗我好多次，好驚」，Coffee則問對方：「點解要驚佢？你愈驚佢愈會搵你麻煩。」，同時鼓勵大家要識保護自己：「如果遇到俾人Bully或騷擾嘅時候，如果只係驚同不停退縮，換來嘅只會係對方得逞同喜悅感，以及用更過分嘅方法去對付你。如果連保護同維護自己嘅膽量都冇，又點能夠保護自己身邊嘅人呢？」

劉馬車又再於同日晚上連續出咗兩個IG帖文，一個係Coffee嘅影片截圖，更加Tag埋Coffee，寫道：「長期炮友，深深咁傷害咗我嘅精神同埋肉體！不過唔緊要啦，只要你開心，我就願意！」；另一個帖文則係自己嘅影片，再次堅稱自己與Coffee關係親密，表示希望大家可以畀空間佢哋：「其實我同Coffee林芊妤已一齊咗好多年，我哋叫做係一個地下情關係，我哋係長期炮友，大家都明白男女都會有需要，咁Coffee老公畀唔到佢需要嘅，滿足唔到佢，咁嗰陣Coffee就比較迷戀我，我哋經常都會私下約去一啲平價酒店玩一晚。」，劉馬車又表示其實Coffee老公都知佢哋嘅關係：「有一次佢（Coffee老公）發現咗，佢老公都係好明白事理，只係覺得玩還玩，呢啲嘢唔好浮上面，識得返屋企就得啦。」之後劉馬車就直指Coffee技術好好：「無論係床上面，姐係招式非常純熟，我唔知佢以前係咪做過一啲唔正經嘅行業，定係做過嗰啲嘢，但佢係比一般港女純熟好多，都會有種冰火兩重天感覺，好快就會一齊去到嗰個高潮。」仲話咁多年遇到好多女仔，Coffee係最畀到佢愉快感覺嗰個。劉馬車就喺帖文寫道：「為Coffee發聲～希望大家俾番d空間我地！馬車被嚴重網絡欺凌，身心俱疲，決定暫時唔再拍片，退出Youtube＆ IG一段時間，各位再見！」網民紛紛留言：「思覺老師系列」、「不如你係入面坐以後唔好出黎啦」、「下一位被玩係邊位女藝人」、「長期坐監都有長期炮友？」、「你口口聲聲講尊重女性，做埋曬啲唔尊重女性嘅嘢」、「其實你真係好多女，可惜全部都係幻想出嚟」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！