勁尷尬 古天樂拒絕評論聲夢學員「唔講啦,完」原來有外傳?

·2 分鐘文章
勁尷尬 古天樂拒絕評論聲夢學員「唔講啦,完」原來有外傳?
勁尷尬 古天樂拒絕評論聲夢學員「唔講啦,完」原來有外傳?

《聲夢傳奇》上星期舉行完決賽,對比起比賽初段嘅無聲無息,各位參加者嘅人氣總算喺比賽後期有所提升,決賽嘅直播收視仲有接近24點,算係扳回一城。而8月中TVB為聲夢學員舉行演唱會,3場門票短時間內售罄,睇個勢唔錯,但業內人士又點睇呢班新人。

尋日聲夢三甲炎明熹、姚焯菲同鍾柔美出席活動,同場仲有新一代電影大亨古天樂。活動後一段訪問片後被瘋傳,當時記者希望古生評價一下聲夢學員,古生聽完之後就放低手上嘅咪,補多句「聲夢就唔講啦」,再加多句「完!」,搞到企喺旁邊嘅TVB娛樂新聞台記者好尷尬!

勁尷尬 古天樂拒絕評論聲夢學員「唔講啦,完」原來有外傳?
勁尷尬 古天樂拒絕評論聲夢學員「唔講啦,完」原來有外傳?

唔少人都估,古天樂呢句「聲夢就唔講啦」係咪已經表達佢對聲夢學員嘅睇法,亦有人拎出同場另一段片作補充。第二條片入面,有記者問古生「有冇睇過佢地(聲夢)比賽」,古生話「睇吓唔睇吓……有嘅」,靜咗2秒之後再講句「唔該晒!」就走人。到底古天樂答「聲夢就唔講啦」,係因為之前有人問過唔重覆回應,定係其他原因?

古天樂5月現身睇MIRROR演唱會(圖片來源︰卓韻芝IG)
古天樂5月現身睇MIRROR演唱會(圖片來源︰卓韻芝IG)

向來古天樂都好肯支持後輩,早排MIRROR演唱會佢都有去睇show,又同ERROR一齊拍廣告仲攬頭攬頸。而聲夢一直都被視為TVB用作對撼Viu旗下男團MIRROR/ERROR嘅武器,難怪古生嘅反應會拎嚟被人比較!唔知之後聲夢開show,古生會唔會去睇?

勁尷尬 古天樂拒絕評論聲夢學員「唔講啦,完」原來有外傳?
勁尷尬 古天樂拒絕評論聲夢學員「唔講啦,完」原來有外傳?

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能