動漫節｜港產人偶玩具銷量勢飆三成 Cosplay「限性感令」消失

動漫電玩節首日吸引大批動漫迷「踩場」搶購心頭好，中午時份輪候入場時間一度需約 3 小時。多個港產公司店主均大讚展覽氣氛熱鬧，預料比往年有三至四成生意額增長，「條龍排到去地鐵站，呢個情景早一年係見唔到」。

文字記者：盧珮瑤
攝影記者：YCW

動漫節首日下午人絡繹不絕，排隊進場人龍伸延至華潤大廈。大會需實施人潮管制，輪候入場需約 3 小時，直至下午約 4 時入場人流才較暢通。

Hot Toys 闊別三年再參展

港產珍藏人偶公司 Hot Toys 屬動漫迷必到攤檔，闊別三年後終以 2,000 呎展位回歸。創辦人兼行政總裁陳浩斌指，疫情並無減弱港人對玩具的熱情，「無得出去玩、旅遊，變咗好多人喺屋企睇動漫、打機，多咗好多人玩」。今年香港則開始復常，「喺玩具界見到fans都蠢蠢欲動，始終動漫節都好似一個嘉年華嘅氣氛，有誘因畀人買嘢、參觀，係一個啱嘅時候去做返」。

Hot Toys 在動漫節推出多款令動漫迷引頸以待的新產品，其中《幪面超人BLACK SUN》劇集黑日、影月1:6比例珍藏人偶（特別版）最為曯目，售價 $1,930、各限量 100 套，「因為我哋公司好少做日系（人偶），尤其幪面超人喺香港 fans 心目中都好有份量」，預料今屆生意額會有三至四成增長。

「港產Tomica」生意額料增三成

本地玩具公司 POSE+ 主打日本動漫機械人角色玩具，今屆動漫節率先發售《戰國魔神 豪將軍》42 週年配色版，玩具外殼由金屬色改為紅藍黃，甚為搶眼，售 $2,180，展覽甫開幕已吸引逾 20 人排隊搶購。創辦人 Lu指，POSE+ 模型以八、九十年代日本動畫機械人角色為主，「賣點係好高規格、比較高端嘅作品，客人都係以收藏家為主」。他認為今年動漫節氣氛熱鬧，無論參展商或入場人數均較去年多，「大家一齊投資落嚟做展嘅資源，錢都多咗，係熱鬧返好多」。他目前較難預計生意額，但認為月中派發的消費券有幫助，「感覺上（客人）願意買啲貴啲嘅嘢」。

除了動漫迷，巴士鐵路迷亦有專屬攤檔。2014 年成立的港產玩具公司微影主打本地交通模型，的士、小巴到交通燈一併俱全，儼如「港產Tomica」。市場經理許先生指，微影製作交通模型時，會按每種交通工具實際比例創作，「例如做纜車，真係上纜車度尺，玩具就按個比例整埋入面個構造」。除了交通工具，許強調公司亦會推出人仔和街景模型，模仿市民乘車時看到的風景，「主旨就係想將香港城市微縮到一個模型仔，畀你帶到返去」。他同樣認為今屆動漫節熱鬧非常，「朝早已經見到條龍排到去地鐵站，呢個情景早一年係見唔到，今年感覺返返嚟」，期望生意可有三成增長。

Coser 撐謝雪心 Cosplay：我想多啲人一齊玩

場內 Cosplay 大賽也吸引過百名 Cosplay 迷觀賞。比賽中 20 名參賽者穿上喜愛的動漫角色服裝表演 2 分鐘，其中人氣 Coser「Beano Da」扮演熱門動漫《我推的孩子》角色星野愛勁歌熱舞，一眾粉絲揮螢光棒歡呼打氣。

去年動漫節曾推「限性感令」，大會建議 Coser 不得穿著暴露服裝，包括勿露出胸下側及露腿，結果備受批評；今年此令消失，不少 Coser 的性感裝扮重現眼前。

21 歲黃小姐與弟弟分別以 Kuromi 和《肌肉魔法使》的馬修造型登場，吸引市民上前合照。黃小姐指每年動漫節均與弟弟均會 Cosplay 到場，「平時喺街著誇張嘅衫會畀人望，但嚟到呢度變得好正常」。她續指，Cosplay 亦是發揮創意的好時機，兩人身上所穿的衣服均是親手縫製。黃先生笑言自己的服裝已籌備數月，造型配上的巨型啞鈴更重達 15 公斤，他們未來 4 天亦會以不同造型登場。

談到 71 歲演員謝雪心將會 Cosplay《原神》角色，黃小姐認為沒問題，亦直言香港 Cosplay 文化過於苛刻，「有啲人好注重一定要還原、要好靚，其實有時唔使咁認真，大家玩吓就得，如果可以嘅話，我想多啲人一齊玩。（香港人）放鬆啲啦，not that serious」。