區選 2023 ⎮ 曾國衞：投票率高低不等同選舉成敗 大家可睇到全班子呼籲個誠懇樣

大幅削減地區直選議席的 2023 年區議會一般選舉將於 12 月舉行，提名期明日（17 日）展開，投票率成為關注焦點之一。政制及內地事務局局長曾國衞則指稱，投票率高低不代表區議會選舉的成敗；不過政府將「不斷努力」宣傳，包括明天首播的電視宣傳片：「大家可以睇到全個班子好誠懇嗰個樣。」

立法會政制事務委員會會議討論區議會選舉籌備工作，選管會議員梁美芬提問時稱，地區直選投票率「係要高度重視」，但又稱投票率不等同選舉是否成功。曾國衞回應時說：「我哋一直強調，投票率嘅高低唔代表等於我哋今次區議會重塑嘅成功與否，畢竟投票率受好多因素影響，甚至乎我哋舉例講，當天嘅天氣都可能會影響市民投票意欲，好多因素影響。」

「投票率最高正是最黑暗時候」

曾國衞續說：「我哋所謂投票率最高嘅時候，正正就係香港最撕裂、最黑暗嘅時候，所以純粹睇投票率唔足以反映優質區議會情況。」他在會議後見傳媒時補充，政府不會就投票率訂下硬指標追求。

不過曾國衞表明，政府現正進行大規模的宣傳，包括每星期在電視播放 260 次區選廣告，又在社交媒體刊登超過 800 萬次宣傳廣告。他並預告，明日將首播一條特區政府全班子參與的宣傳片，主題為號召有志愛國愛港人士積極參選，踴躍投票，「明天大家可以拭目以待，喺個電視睇到我哋全個班子好誠懇咁樣去呼籲大家嗰個樣」。

夜繽紛或設攤位派宣傳品

曾國衞在會議上提及，為了宣傳區選，將會利用夜繽紛活動。其後他見傳媒時，有記者問，夜繽紛本身是商業活動，如何加入政治宣傳？他否認有關安排是政治活動，「只不過希望用一個比較能夠同市民打成一片方式，畀佢哋更加明白新制度嘅好處，安排上亦唔係同一啲商家去爭利，可能係共同設立一個攤位，或者透過同市民接觸，進一步解釋情況，令到佢更加明白⋯⋯紀念品呀，一個輕鬆嘅方式同市民交流，等佢哋進一步了解情況」。