39歲才女卓韻芝 同34歲從事電影美術嘅「閃電俠」梁子賢於上星期六結婚，星級好姊妹鄭秀文、蔡卓妍及梁詠琪等出動陪嫁擔任姊妹團，Sammi話整個婚禮過程既開心又感動：「喊死人！」
撰文：東方新地｜圖片：卓韻芝IG 、鄭秀文IG 、蔡卓妍IG
卓韻芝婆婆好開心 婚禮當日早上，卓韻芝穿裙褂出嫁，並按傳統俗習禮過大禮，話說當新郎及兄弟團殺到時，阿芝婆婆好開心掛住同孫女婿傾偈，竟忘記叫孫女阿芝出場，要阿姨在旁提醒，十分搞笑。
39歲才女卓韻芝同34歲從事電影美術嘅「閃電俠」梁子賢於上星期六結婚，場外雖有颱風「山竹」來襲，但場內氣氛依然溫馨熱鬧。
卓韻芝最愛至親婆婆擔任證婚人，一對新人當然有向婆婆跪地斟茶啦！
向俞琤敬茶 之後卓韻芝同老公向最愛至親婆婆跪地斟茶，其實自從阿芝母親離世後，兩婆孫相依為命，感情深厚，孝順嘅阿芝亦表明婚後會與婆婆同住。而卓韻芝伯樂俞琤亦有接受一對新人敬茶，見俞琤當日笑到見牙唔見眼，就知佢非常開心。
新娘子卓韻芝繞住佢稱為「老竇」嘅俞琤出場。
卓韻芝出嫁，身為好姊妹嘅鄭秀文、蔡卓妍及梁詠琪，當然開心又感動，Sammi仲俾阿芝大爆佢一開始就喊。
Sammi喊不停 晚上婚宴喺中環外國記者會舉行，場外雖然有颱風「山竹」來襲，但場內氣氛依然溫馨熱鬧，到賀嘉賓有田蕊妮、蔡一智、黃耀明、徐天佑、導演許鞍華及C AllStar陳健安等等。粉紅姊妹團鄭秀文、蔡卓妍及梁詠琪開心陪嫁，Sammi喺IG拍片話：「好開心、好感動，喊死人！」跟住阿芝即刻話：「係呀，我一開始講嘢佢已經喺度喊，我心諗你唔好整喊我啦，佢喊我又好想喊。」之後，Sammi又同阿Sa、Gigi拍片祝福一對新人。
粉紅姊妹團鄭秀文、蔡卓妍及梁詠琪開心陪嫁，Sammi喺IG拍片話：「好開心、好感動，喊死人！」
阿芝戴上婚戒接受傳媒訪問，記者起哄叫兩人錫錫，新郎梁子賢非常害羞，只阿芝借位錫錫阿芝面珠。
第一次叫老公 期間，卓韻芝更拖埋老公接受傳媒訪問，阿芝表示︰「多謝大家打風都嚟，我仲上網check，山竹又名『夫妻果』，相信個風都會畀我同朋友聚會先，今日賓客有近200人。」提到婚禮主題，佢就話︰「我老公……我咁大個女都係第一次咁樣叫人，我老公設計張帖係綠色，因為love is green，綠色係和平、環保同舒服。」
被Sammi笑鬆散，阿芝話︰「佢哋笑自己係佛系同鬆散系姊妹，其實我哋係緊緻系姊妹。」
對於造人，卓韻芝說要做好手頭工作才有時間度蜜月。
緊緻系姊妹 卓韻芝坦言喺台上好緊張︰「我上到台即刻喊，個腦一片空白，老公都好緊張，佢平時份人好低調。我記得多謝咗婆婆同俞琤，因為婆婆係證婚人，我發現佢之前仲苦練簽名。」至於被Sammi笑佢鬆散，阿芝話︰「佢哋笑自己係佛系同鬆散系姊妹，其實我哋係緊緻系姊妹。」
Sammi喺ig寫出自己嘅感受 :「阿芝出嫁了。除了感動，就是感覺幸福。一個不苟小節的人，剛才說感言時流出的眼淚和顫抖，格外感人。尤其感受到她對母親的懷念和感激。祝福你們」。
阿Sa就話由於冇接新娘玩新郎嘅環節，笑指佢哋係最舒服嘅姊妹：「新娘一嚟就話冇玩新郎，我哋主要係負責靚。」
阿Sa好enjoy 另一好姊妹阿Sa蔡卓妍就話由於冇接新娘玩新郎嘅環節，笑指佢哋係最舒服嘅姊妹：「新娘一嚟就話冇玩新郎，我哋主要係負責靚。（冇得玩有冇失望？）最好唔好啦！費事玩人玩着自己。（最忙做啲咩？）主要都係影相同擺甫士，同嘉賓吹吓水。（幫手頂酒？）我都頂得幾杯嘅，其他姊妹就難講啲。」
阿Sa笑指全晚最忙係影相同擺甫士，同嘉賓吹吓水。
婚禮當日早上，卓韻芝穿裙褂出嫁，並按傳統習俗過大禮。
徐天佑指Sammi大讚佢套衫靚，仲話睇落佢好似操到好大隻㖭！
余迪偉同一對新人玩鬥chok!
卓韻芝坦言喺台上好緊張︰「我上到台即刻喊，個腦一片空白，完全醒唔起第一句係咩。多謝咗好多朋友、婆婆，太多啦。」
對於老公表現緊張，卓韻芝即為老公護航：「唔只佢緊張，我咁多上台經驗都好緊張。」
阿芝以「老公」稱呼對方時表現興奮：「我咁大個女都未試過咁叫！」
梁詠琪坦言能成為一場好姊妹，一齊祝福好朋友出嫁，是一種緣份。
原本星級姊妹團唔只得Sammi、阿Sa同Gigi，仲有Niki周勵淇嘅，不過Niki最後因工作關係未能出席。
婚宴喺中環外國記者會舉行，蔡一智、徐天佑及C AllStar陳健安亦有到賀。
Sammi po咗一條片，片中的Sammi一開始已話：「好開心、好感動，喊死人！」
阿Sa笑指佢哋係最舒服嘅姊妹，主要都係影相同擺甫士！
徐天佑話祝福一對新人打風都打唔甩！
自稱最舒服姊妹嘅阿Sa同Gigi，全晚主要招呼賓客吹吹水，余迪偉拉佢哋玩自拍當然無任歡迎啦！
提到婚禮主題，卓韻芝就話︰「我老公設計張帖係綠色，因為love is green，綠色係和平、環保同舒服。」
卓韻芝伯樂俞琤亦有接受一對新人敬茶，見俞琤當日笑到見牙唔見眼，就知佢非常開心。
延伸閱讀：
（有片）《延禧攻略》爆笑NG片曝光！佘詩曼雙語讀對白，一招K.O內地演員！
熊黛林同5個月大萌爆B女講早晨 網民激讚：差啲被電暈！
雅虎香港新聞 
