古天樂旗下公司出新女團SKYLE 傳其中2位成員參加《青春有你2》?

·2 分鐘文章
古天樂旗下公司出新女團SKYLE 傳其中2位成員參加《青春有你2》?
古天樂旗下公司出新女團SKYLE 傳其中2位成員參加《青春有你2》?

古天樂喺2016將旗下嘅「天下一集團」同「加秀娛樂」合作成立「天加一文化傳媒」,天加一主要負責中國藝人管理及培訓、網路劇及韓國藝人演唱會及活動等等。而「天加一」又喺2018年於韓國成立娛樂公司「Good Luck Entertainment」,近日該娛樂公司宣佈今年內成立一隊全新中韓女團「SKYLE」,logo亦已經公開,最近就已經傳出兩名成員嘅身份,佢哋就係曾經參加過內地節目《青春有你2》嘅姚依凡(Eva)和周梓倩(Jennifer) ,而成員真正身份將於7月7日公開。

女團名「SKYLE」係「(S)how the (K)inetic & (Y)outh (L)eading a new (E)pisode」嘅縮寫,有報道指「SKYLE」有4位成員,而其中兩位有傳係練習生周梓倩(Jennifer)和姚依凡(Eva),而另外兩位就指係韓國嘅練習生中選出,但暫時未知身份。據講4位成員除咗唱功和舞蹈一流之外,佢哋仲非常青春和身形高挑,平均年齡只有20歲,身高則平均有1.7米。另外,成員們均接受過幾年訓練唱功、舞蹈等訓練,當中最長練習期為7年,所以未出道已經令大家非常期待,更已經有廣告商簽約,亦成為國際運動服及耳機品牌代言人。

成員之一嘅姚依凡(Eva)話題度十足,今年22歲嘅佢畢業於雲南藝術學院,之前已經參加過《CGC Girls潮流女孩盛典》及《青春有你2》,雖然佢最後喺《青春有你2》贏唔到,不過就獲得唔少觀眾關注。而另一位成員周梓倩(Jennifer)同樣係22歲,佢喺2016年參加過《加油!美少女》,又曾以女團ACEMAX-RED(火力紅組合)身份出道,2017年又參加過韓國選秀騷《The Unit》,參加選秀節目《星星美人魚》, 《青春有你2》及《中國新說唱2020》等選秀節目,因此有一定人氣。

古天樂
古天樂
周梓倩
周梓倩
姚依凡
姚依凡
姚依凡
姚依凡
姚依凡
姚依凡
周梓倩
周梓倩
周梓倩
周梓倩

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能