叱咤我最喜愛的歌曲 尹光Dear Myself 5強不入 張敬軒硬撼MIRROR 4子
「叱咤樂壇流行榜頒獎典禮2023」由樂迷投選嘅我最喜愛歌曲大獎,本周展開第2輪投票,由十強選出終極5強,於元旦舉行嘅頒獎禮上由現場樂迷投選「我最喜愛的歌曲」。投票於今日中午截止後,商台公布進入五強嘅歌曲名單 -
姜濤《濤》
張敬軒《隱形遊樂場》
陳卓賢《再見寧靜海》
呂爵安《E先生愛人執照》
盧瀚霆 MONEY
打入「我最喜愛的男歌手」5強嘅尹光意外落馬,未能喺「我最喜愛的歌曲」再下一城,亦避免呢個獎嘅終極5強名單成為男歌手獎翻版。而未有打入「我最喜愛的男歌手」5強嘅Edan,今次終於突圍而出。而張敬軒將會同4位鏡仔爭獎,由於係入場樂迷投票,各fan club已經全力吸票,相信賽果反映歌曲人氣之餘,更顯示到邊位偶像嘅fans更有實力。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!