同周柏豪影相 衝上雲霄大選飛機師Brian收警告

同周柏豪影相 衝上雲霄大選飛機師Brian收警告

剛過去周末,【十大中文金曲】同【勁歌金曲頒獎典禮】先後舉行,早排因為言論引起爭議嘅周柏豪,連續2個頒獎禮上都得到男歌手大獎,但係過去一年佢只有一首《劫後餘生》比較受歡迎,令唔少網民都質疑賽果。

過去周柏豪都可算係男神級藝人,喺街見到梗係要selfie啦。YAHOO TV 《MEAN傾》節目之前就訪問過參加TVB「衝上雲霄大選」嘅飛機師Brian(李傑志),分享工作上嘅dos and don’ts。原來飛機師見到明星想影相傾計,反而係要召見粒星!

同柏豪傾兩句被「篤灰」

做過藝人嘅Brian試過喺負責航班撞到飛去布吉搞婚禮周柏豪同佢爸爸,話晒計落以前係行家,佢就同柏豪打招呼傾兩句,點知事後被公司高層照肺,認為Brian同明星傾偈唔妥當,認為會影響飛行安全。一問之下先知,原來「篤灰」人係航空公司CEO個friend。

同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告

後來Brian知道程序上係應該搵機上嘅「空姐長」,同星級客人講聲「機師想同你見面」,咁先至啱規矩。於是有一次Brian喺另一班機遇著另一位同期出道藝人朋友,半夜三更都要摷醒對方「召見」,呢位就係喺內地大紅嘅陳偉霆!

遇著「黑豹」揭發Brian黑仔定律

除咗柏豪同「的士陳」,Brian仲遇過唔少巨星,包括港人必like嘅發哥,同埋早前逝世嘅「黑豹」Chadwick Boseman。Brian踢爆當時機上唔少同事叫唔出「黑豹」真名,但係個個都識做電影入面Wakanda Forever嘅手勢,睇到Chadwick O晒咀!主持之一梁柏堅就發揮mean king口賤本色,取笑Brian「做邊行死邊行」!係喎,佢做藝人嗰陣香港娛圈走下坡,做機師就全球停飛,連影過合照嘅藝人都出事,好邪!

同周柏豪影相 衝上雲霄大選飛機師Brian收警告
同周柏豪影相 衝上雲霄大選飛機師Brian收警告

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!