同鄧麗欣6月宣布分手!王子深夜攬女激吻斷正

·1 分鐘文章
同鄧麗欣6月宣布分手!王子深夜攬女激吻斷正
同鄧麗欣6月宣布分手!王子深夜攬女激吻斷正

藝人鄧麗欣(Stephy)與台灣歌手邱勝翊(王子)6月時宣布分手,結束3年姊弟戀,雖然曾傳出因王子衰花心而分手,但兩人強調冇不歡而散,Stephy亦力撐前度,社交網繼續互相關注。不過,王子最近被目擊深夜揸住跑車,之後停喺路邊,與一女子企喺車頭擁抱激吻,唔少網民都嚇親,咁快就有新戀情?

原來佢哋只係拍緊戲,王子與相識多年嘅郭雪芙首度合作拍戲並飾演情侶,當日佢哋仲拍咗場結婚戲,王子着上全白西裝變真王子,而穿着婚紗嘅郭雪芙就露出豐滿身材,兩人交換戒指後深情咀嘴,似足真嘅一樣!

而喺拍攝過程中,佢哋似乎都好啱傾,不過有指兩人一開始都唔係咁多嘢講,要經過一段磨合期!雖然外形合襯又咁啱嘴形,但被問到對方係咪自己杯茶時,佢哋就認為都係做朋友好!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能