否認翻撻陳炳銓 李佳芯：幻想唔到

「魔音視后」李佳芯前晚為無綫慈善節目獻Sing，打頭陣仍無懼壓力，表現大有進步，更獲網民一致讚賞。單身一陣子的她，否認與舊愛陳炳銓翻撻，亦感受不到對方有所行動，笑言發生時再作打算。

李佳芯、胡定欣、泳兒、姚焯菲、詹天文等，前晚演出無綫節目《慈善星輝仁濟夜》，首任大騷監製的黎諾懿找來兩大視后獻唱，當中李佳芯更打頭陣，偕近80位學生合唱《一雙手》，表現淡定大有進步，明顯想一雪「魔音」前恥！

李佳芯受訪時透露疫情以來一直練歌，但今次有Live Band，擔心會被音樂蓋過，她笑說：「佢（黎諾懿）話因為有人話我『魔音』，所以想搵我唱，今次為自己平反，邊度跌低邊度起番身，但唱歌依然係挑戰，更有風險！」對於舊愛陳炳銓被指到宣傳活動偷看她，她說：「冇復合，都見唔到佢，佢住將軍澳，可能啱啱經過，係我去踩佢場。（佢去撐你場？）唔知佢有冇睇套劇，但大家有聯絡。（社交網啲Po互相讚好？）見到朋友啲相靚或者文字寫得幾好，我都會畀Like，特別係見到『豆豉』（兩人愛犬）。」又揚言感受不到對方想復合：「亦都幻想唔到，因為係好熟悉嘅朋友，到時發生先算！」

胡定欣唔會刻意笑

胡定欣早前被指在無綫頒獎禮不滿周嘉洛攞獎而黑面，問到新一年會否笑容多一點？她說：「其實我好開心，有時真係唔知幾時Capture我個樣，我有笑，都戥嘉洛開心，網民都有幫我解釋，錫住我。（下次影住會唔會笑？）唔會，做番自己！」至於泳兒對Gin Lee加盟英皇大表高興，2人曾是《聲夢傳奇》導師，問是否一手引薦對方？她說：「我冇咁大能力，簽約係人生好大嘅決定，要好認真去分析，我都係公司講先知。」