吳偉豪傳暗撻何泳芍 疑似IG發文回應

22歲吳偉豪（Ricco）擁有六嚿腹肌、陽光白淨外貌及完美笑容，憑處境劇《愛·回家之開心速遞》「朱淩淩」一角成功入屋，劇中朱凌凌有「島大吳彥祖」之稱，深得唔少女同學喜愛，現實中嘅吳偉豪同樣係男神，俘虜唔少女粉絲。上年10月吳偉豪被爆出與年長10歲嘅圈外女友Charlotte去酒店staycation，其後佢亦大方承認戀情，不過近日有報道指佢哋戀情曝光後關係轉差，最後分手收場。報道仲話吳偉豪與「美人魚港姐」何泳芍（Honey）因合作《開心速遞》而結緣，男方更力追女方。消息傳出後，吳偉豪喺接受傳媒訪問時否認戀情。

喺噚晚，吳偉豪喺IG上載與友人嘅合照，並留言話：「眨下眼就一年啦😳原來兩兄妹都好耐冇見啦😣 Milo 爸爸又未有機會返香港，希望疫情快啲過去，等佢地可以快D相遇返！ #throwback #1yearago #舊相 #其實真正dating見面嘅係佢兩兄妹 #假的真不了 #支持領養 #actuallyloyalandhappy」其中一個hashtag係#假的真不了，雖然佢係唔係回應緊近日嘅傳聞，不過網民們都有留言支持佢，例如《永遠支持你》、《年輕人很會處理不實緋聞，還從中宣養（揚）領養，加哂分！支持！》、《回得好》及《加油》等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！