吳浩康音樂節獻唱 緊張瞓唔着

吳浩康除了唱歌之外,開始籌劃重啟網上直播。
吳浩康除了唱歌之外,開始籌劃重啟網上直播。

歌手吳浩康(Deep)與劉威煌等昨午出席Mira Place Gimme LiVe音樂節10周年「五音十色」作現場演唱。Deep透露已有兩、三年未試過類似演出:「尋晚瞓唔着,心情有啲緊張,頭先嚟到綵排,覺得自己要重新適應。」又坦言最近開始籌劃重啟網上直播:「嚟緊會拍啲關於露營嘅片。(同太太一齊?)難啲,佢之前覺得暈已經好小心,呢兩個月只係去過兩、三次街,最近去BB展又覺得暈,一係同佢喺屋企拍開箱片囉!同埋我都好鼓勵佢拍BB片,話晒之前做咗好多功課,可以同人開心分享。」

劉威煌則透露疫情下亦做了4隻歌:「因為我依家冇唱片公司,都唔知點樣發布新歌比較好,但今日我都會唱其中一隻關於獅子座嘅歌,我本身都係呢個星座。(就嚟生日喎。)係!但我已經唔係好想慶祝,生日願望係希望時間過慢啲,同埋唔想咁快又一年,依家覺得體力大不如前,加上有小生意,時間好唔見用。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能