周秀娜箍完牙先敢笑

·1 分鐘文章
周秀娜原來曾一次過剝了4隻牙!
周秀娜原來曾一次過剝了4隻牙!

藝人周秀娜與李靜儀昨日出席活動,兩人也表示曾經箍牙,周秀娜說:「當初入行做Model,本身門牙生得唔整齊,所以唔係好敢笑,又好羨慕拍牙膏廣告嘅人啲牙好白好齊笑容又靚,嗰時呢類廣告都唔會揀到我,後來就去箍牙,醫生建議我剝埋智慧齒去就番啲位,結果一次過剝咗4隻,用兩年時間整番靚,依家就好敢笑。」

而李靜儀也表示因為貪靚箍牙兩次:「讀書時試過箍牙,嗰陣仲係用鋼箍。(畀人笑鋼牙妹?)又冇乜,仲一次過剝咗4隻犬齒,入行之後再箍過一次,嗰陣就用咗透明牙箍,但都要剝咗4隻智慧齒,以前係包包面,結果前後剝咗8隻牙,塊面都瘦晒。」她笑稱女人貪靚可以好偉大。問到有否留意有份演出的電影《假冒女團》票房,她指監製一直有向她更新,亦希望能開拍第2集。

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能