周秀娜「浮波」暢泳 翠如激罕晒水着

踏入10月底，一眾女星把握最後機會騷Quali，就連平日打扮密實的黃翠如，也趁生日激罕大解放。女神周秀娜則玩揈水髮，「咪咪」繼續縮水，其後她使出「變幻球」，上載背泳照大晒「浮波」！

水着唔怕晒！前日迎來41歲生日的黃翠如激罕大解放，穿上黑白格仔泳衣大擺誘人甫士，但唯一一張全身照刻意改成黑白效果，唔夠大方，她寫道：「歲月靜好，淺笑前行，不緊不慢，不慌不忙。謝謝所有愛，生日快樂。」老公蕭正楠趁機放閃，上載兩公婆面貼面笑到唔見眼的合照，非常Sweet，他說：「型仔與壽星女，型開嘅繼續型，壽星嘅更加壽星。」

蔚雨芯D奶稱霸

至於近年收起性感的女神周秀娜亦派糧，身穿一件頭泳衣在泳池大玩揈水髮，但可能受角度和姿勢影響，「咪咪」大縮水幾乎失蹤，但她其後為身材平反，分享浮在水中的短片，笑說：「Close前半小時泳客走晒，個泳池仲唔係我嘅？暢快游！」又自言不懂背泳，只是在淺水區域浮浮吓。不過在另一泳照中，驚見其「變幻球」突然起伏有致，不受地心吸力影響，認真離奇！

另一邊廂，出道時有「翻版周秀娜」之稱的「魔鬼胸」蔚雨芯，同日上載比堅尼照，32D巨胸幾乎Big爆泳衣，比「原版」更有睇頭。