唔使搵媒人！ 李佳芯脫單聽天命 除夕未有Date

李佳芯聖誕節「佳」人冇約，昨日現身活動時笑言除夕仍然Available，希望工作與愛情平衡，又自言靠個天打救，不用金牌媒人林盛斌出手！

藝人李佳芯（Ali）與歌手馮允謙昨日出席購物節活動，在工作中過聖誕，Ail笑言下次要改變心態：「唔應該問我有冇異性約，而係有冇單位約，咁我會開心啲，至少有工作。（寄望除夕有人約？）我都希望有，但暫時冇，我嗰日仲係Available，有單位想搵我做嘢都可以。」

她坦言佳節想有熱鬧氣氛，但不一定要異性陪，是朋友或家人都開心，又指身邊仍有不少未脫單的女性朋友，問是否不用墊底？她說：「又唔好咁比較。（揀工作定約會？）希望工作同愛情可以平衡到，呢個係我最終極願望。」問會否找圈中金牌媒人林盛斌幫手，她相信對方很忙：「應該好多朋友搵佢。（排定隊先？）佢咁忙，我交畀個天。」談及擇偶條件，她自問無條件，另外又不忘宣傳今晚播出的新劇《有種好男人》：「大家可以邊拆禮物邊睇。（拆你？）都OK。」

馮允謙明年登紅館

至於馮允謙透露家人原定本月22號返回溫哥華，但當地正值大風雪，故延長留港時間，可以一家過節，他形容為「聖誕奇迹」。對於被傳將奪得「叱咤樂壇男歌手」銀獎及歌曲獎，他直言有信心：「有當然開心，係好好嘅推動力，全公司都好努力，希望有獎項去報答佢哋。」又預告明年在紅館開騷，待日期落實便叫女友及家人訂購返港機票。