單手攀山捱轟 天華Chok出禍 香香玩腳趾搶戲 趕絕子珊

(綜合報道)(星島日報報道)新劇《神鎗追擊》昨舉行宣傳活動，演員謝天華、張兆輝、徐子珊、岑麗香及溫家偉等都有出席，天華劇中單手攀山，被網民大肆抨擊。而在劇中拋胸又舔腳鏡頭的香香，則成為焦點，搶盡女主角徐子珊鏡頭。文、圖：駱震寧 身為女主角的子珊被香香搶了不少風頭，她說：「抵佢搶鏡嘅，做飛虎女好辛苦口架！」劇中不少危險動作都由子珊親身上陣，但她強調不想做打女，「做打女好辛苦又易受傷，但係個個都覺得我可以做打女。」 緋聞情侶岑麗香跟溫家偉同場，溫家偉表現尷尬，表示沒追求對方，強調是朋友關係。但香香就即場請他食檸檬，「依家想工作為先，呢一年都好忙，想工作進步咗先。」另外，日前香香在劇中有幕舔腳趾鏡頭，被網民整蠱打格令感覺不雅，她說：「希望大家唔好將焦點放喺嗰度，好似依家只將焦點放喺我身材同打格仔。」 親熱戲益女角 至於天華被轟單手攀山，他解釋：「原本無講電話嘅，係我同監製講，臨時加嘅，想更加Chok、增加戲劇效果又可以顯得角色更大膽自信，咁湯告魯斯喺電影入面都係無講電話嘅，我想型過佢吖嘛。」提到劇中他艷福無邊，分別跟子珊、香香及陳煒都有感情綫，他笑說：「係我益佢哋先啱！」 ■香香在新劇《神鎗追擊》好搶鏡，令女主角子珊風頭大減。 ■香香這場玩腳趾戲分，搶盡不少鏡頭。 ■香香叫觀眾勿將焦點放在她身材上。 ■香香請食檸檬，溫家偉（右）即轉軚說以工作行先。 ■天華為Chok加戲，子珊亦自覺升任做打女。