噴血地獄廚神椋名凜 變靚爆人妻廚藝大進
講到《美女廚房》經典場面,當然要提日本模特兒椋名凜炮製的「臭豆辣椒蝦」及「喇沙米粉」,臭到一眾主持人戴著口罩試食,食完仲要狂嘔!事隔多年鄭中基(Ronald)在自己的 Youtube頻道上載一條名為「多年後我要同椋名凜道歉」的影片,至於椋名凜如今已經係五個小朋友的媽媽,而且入得廚房出得廳堂,廚藝大進喎!
撰文:東方新地|圖片:新傳媒、Instagram、電視截圖
那些年「地獄廚神」椋名凜
新一輯《美女廚房》節目口碑麻麻,網民念念不忘經典重溫,講到經典場面,當然要提日本模特兒椋名凜的一集!節目中椋名凜著住件心口穿窿圍裙雖然吸睛,但廚藝實在不敢恭維,佢炮製的臭豆辣椒蝦及喇沙米粉,臭到鄭中基為首一眾主持人戴著口罩試食,食完仲要狂嘔!
都係大師林敏聰夠膽色,走埋去拎起兜「美食」,之後又逼椋名凜自己食番!
靚女都唔係大晒㗎!煮到咁叫人點食…
延伸閱讀:
呂慧儀、張景淳又放閃!張景淳半裸造型哂合照 網民高呼:有情趣!
「好假的肥仔」食到跑走
當年節目有邀請觀眾試食環節,有個「好假的肥仔」慘被抽中,喺林敏聰脅持下試食,結果食完即刻跑離錄影現場!
重溫椋名凜噴血經典
1979年出生的椋名凜現年38歲,早年曾獲封「日版Paris Hilton」,多年前膽粗粗隻身來港發展,身為日本索女本身已經加晒分,椋名凜更擁有迫爆火辣身材,肯搏肯露,走性感路線殺出一片天!依家一齊重溫經典噴血照~
性感女神變幸福人妻
講番女主角先,椋名凜早年喺香港發展得相當順利,成為街知巷聞的性感女神,2010年夏更加推出噴血寫真集,但同年年尾卻突然消失,原來係因為回國奉子成婚!椋名凜於2011年11月下嫁職業車手高村直樹,2013年時曾接受本刊訪問,當時仲帶埋2歲大仔哉衣及7個月次女香里奈~
一家七口樂悠悠
椋名凜婚後做個幸福人妻,專心相夫教子,依家仲有成5個小朋友咁多!睇番椋名凜的近照,佢似乎都keep得幾好,更比以前多了一份成熟和賢淑,典型的日本靚太~
A post shared by 高村凛(椋名凛) (@rin_takamura) on Feb 24, 2018 at 12:47am PST
A post shared by 高村凛(椋名凛) (@rin_takamura) on Feb 12, 2018 at 9:51pm PST
今日は息子の卒園式でした✨ ・ ・ 久しぶりに泣きました😭 ・ ・ 息子くんおめでとう㊗️ #卒園式 ・
A post shared by 高村凛(椋名凛) (@rin_takamura) on Mar 16, 2018 at 3:51am PDT
A post shared by 高村凛(椋名凛) (@rin_takamura) on May 30, 2018 at 12:49am PDT
A post shared by 高村凛(椋名凛) (@rin_takamura) on Apr 26, 2018 at 2:13am PDT
真正「美女廚神」
更重要的是,那些年的地獄廚神,現時廚藝大進,見到佢不時喺IG上載精心炮製給孩子的便當照片,望落款式多、賣相精美,而且多菜少肉,小朋友們真有口福!椋名凜回覆傳媒時,表示生小朋友後一直努力鑽研廚藝,現時煮得一手好菜。睇嚟佢已經成為真真正正的「美女廚神」啦!
A post shared by 高村凛(椋名凛) (@rin_takamura) on May 25, 2018 at 3:24pm PDT
A post shared by 高村凛(椋名凛) (@rin_takamura) on May 9, 2018 at 5:21pm PDT
繼續重溫椋名凜噴血經典
【深宮計】何止死6個?起碼死多5個|《深宮計》死亡名單仲有佢哋⋯
8對娛樂圈索爆姊妹花 鍾意家姐定妹妹?
延伸閱讀: