坐凳仔擦薑母鴨

【星島日報報道】覓食，我從不計較高檔低檔，只問一個問題：「好唔好食先？」若好食，就不怕千山萬水。若唔好食，送都咪搞，就咁簡單！為食朋友位位知小弟追求，任何好 ，必第一時間通知。 到台中睇踩舞祭，當然又去食食食。其中一餐，要求地膽老友介紹最平民又火旺的食肆，總之好食，裝修、位置、 生 一概唔拘。「咁呀，阿碌，你搭『小黃』到豐原區試試『三豐薑母鴨』啦，去鈕大可家酒吧唱完歌都未遲，因佢 做到凌晨一點，不過，最好先訂位啊！」 按指示，先訂位，再搭『小黃』去。門口細細，但是，一入內，「嘩」的一聲，原來面積以萬方呎計，坐滿一百幾十 食客，一睇就知全部土炮街坊，半個遊客都冇，人人食得興高采烈，非常滋味， 擺滿飲品食物，個個大吃大喝。 點解位位食得咁豪？一睇張「柯打」單就明，根本，食到爆肚都唔傷荷包。因為，最貴個薑母鴨連湯底，都只三百三十新台幣（八十幾港元） ，其他火鍋料，由幾蚊到十二、十三港元，勁平！此店特色， 仔矮，所以，位位需要坐凳仔。爐底最懷舊，不用氣體，而用燒得紅紅的炭，百分百古早味。咁平，我 成班為食鬼，當然投入街坊氣氛，也來次唔閘住的大吃大喝，「柯打」單上的食物，全要！包括貢丸、冰豆腐、鴨血、豆皮、玉米、杏鮑菇、茭白筍、鵝腸、金針菇、高麗菜、麵 成個 面擺到爆棚。 呢種食法，令人諗起上世紀七十年代許冠傑首《佛跳牆》——肥佬黎，倒眼輝，孱仔威，軟腳龜，擦啦喂……成班友一味啄，擒擒青一味啄，唔怕肚脹。 食薑母鴨鍋，最宜「隊」冰凍大啤。台灣啤賣十幾港元，狂隊都唔傷肝。八個人飽到碌地，埋單五百港元有找，真係……搭飛機來食都抵！ 地址：台中市豐原區三豐路二段389號 電話：04-2528 6105 曾智華 專欄