外國調查：15%打工仔稱大學知識用唔著

「公司唔係學校，你係嚟返工，唔係嚟學嘢！」曾經做過新人嘅你，可能有聽過呢番說話。令人無奈嘅係，以前返學嘅時候，學到嘅嘢，普通打工仔又有幾多喺工作上真係用得著呢？

外國網上學習平台EdX.org一項調查顯示，有15%受訪打工仔稱，大學主修專業嘅知識，喺自己嘅工作上一啲都用唔著；53%則表示「用到一半或少於一半」；只得21%表示在職場上能「學以致用」。

該調查訪問了逾1000名年齡介乎25歲至44歲嘅美國打工仔，當中有29%稱，自大學畢業後第一份工就轉行了，工作內容跟大學主修科完全無關。至於決心轉行嘅原因，離不開加薪（39%）、對唔同行業感興趣（21%），以及想要向上流動機會（20%）等。

更殘酷嘅現實係，有一半受訪者坦言，因主修專業嘅關係，令自己嘅發展前景或轉行機會更加困難。問到阻礙佢哋獲取更多知識技能，來提升自己現任崗位或轉工實力係乜，有62%指「金錢」，另有60%則指「時間」。

理論同實踐，好多時都差天共地。「一入錯科深似海」，各位打工仔又覺得大學乜嘢科最無用、最搵唔到食呢？

來源：Ladders

【相關搜尋】大學乞食科  

===================

19網輕鬆爆料熱線，歡迎舉報老細同事19惡行，立即click入去講畀我哋知啦