外媒Variety選2021國際人氣急升藝人 姜濤成唯一華人代表

MIRROR今年喺香港備受注目，外國媒體亦開始留意呢隊12人男團。除咗早前韓國MAMA頒獎禮選出Anson Lo（盧瀚霆）為最佳亞洲新人獎（華語地區），隊友姜濤今日亦都獲荷里活媒體Variety選為「2021國際人氣急升藝人」（International Breakout Stars of 2021)，唔止係唯一一位入選香港藝人，更加係名單上唯一嘅華語藝人。

內文以「可說是香港近20年來最耀眼新星」、「有魅力的歌手及舞台表演者」形容姜B，再介紹佢嘅入行經過及近作，亦提及喺早前嘅音樂會上，姜B演繹多位前輩歌手作品，係要肩負責任將廣東歌推廣到海外。

今年名單上共有12位藝人入選，亞洲代表仲有2位韓星，分別係《屍殺列車》嘅馬東石，以及熱爆全球韓劇《魷魚遊戲》女星鄭浩妍。其他入圍藝人仲有Apple TV+ 喜劇Ted Lasso嘅英國黑人演員Toheeb Jimoh 、意大利17歲新晉女星Swamy Rotolo等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！