雅虎香港新聞 
大奶奶呢？周秀娜巨峰驚變iPad胸
性感女神周秀娜擁有32D驕人上圍，當年的寫真集倒無數男性粉絲，一張又一張爆乳靚相陪伴唔少人成長。不過升上神枱、早年告別寫真界後，娜姐幾乎與泳衣絕緣，大家最多只可以見到佢做生招牌晒自家品牌內衣。不過近日娜姐去咗馬爾代夫度假，同陽光玩遊戲，最緊要係索爆泳衣重現人前，日日都有靚相俾大家睇，實在睇到熱血沸騰！
除咗娜姐本人啲靚相，佢仲日日大晒美食照，睇到人流晒口水！大家都好想知道，點解娜姐食咁多好西，身材仲係咁正呢？
延伸閱讀：
歐國盃十大靚仔球星
茶記激凸妹猛料起底
呢日娜姐又派福利，見到佢着住件螢光黃比堅尼，攤喺沙灘椅上享受日光浴，不過胸前雙乳似乎受地心吸力影響，向左右兩邊發展，搞到好似平咗咁喎！其實娜姐近日積極瘦身，見到佢瘦到腹肌都出埋嚟，可能因此上圍一齊縮水？
而另一張相見到娜姐着住小背心睇日落，由側邊睇佢竟然變咗iPad胸，波平如鏡，究竟發生咩事？可能歐洲國家盃開鑼，娜姐都想湊熱鬧表演鬼影變幻球？
娜姐巨峰驚變iPad胸，真係睇到大家個心都離一離！想當年娜姐初出道時有「翻版樂基兒」之稱，樣子甜美且身材火辣，經常狂騷32D胸器，真係好令人懷念！回憶總是美好的……
講到娜姐寫真集，點可以唔重溫娜姐滴牙膏！
睇番舊相，當時娜姐就算係橫躺定瞓喺度，雙峰依然係非常堅挺，睇到小編幾乎窒息！唔知真正的娜姐幾時可以性感回歸呢……
延伸閱讀：
