天冷拍淋冰桶戲 睇見都心寒 華仔青雲默契十足一Take過

【星島日報報道】劉德華監製及主演邱禮濤執導新片《拆彈專家2》，集合了華仔和劉青雲的「雙影帝」組合，二人相隔18年後再在大銀幕合作，其中一幕「冰桶挑戰」鏡頭，華仔要冒低溫被青雲用大桶冰水由頭淋落身，望見都「心寒」，但二人有默契地一take完成。

文：娛樂組

《拆彈專家2》除了加入「核彈」元素，以超逼真的爆炸場面震懾人心外，另一大焦點就是「雙影帝」組合劉德華和劉青雲，相隔18年再度在大銀幕交鋒！華仔與青雲在戲中亦敵亦友，由原本合作無間的好兄弟變成互相猜疑。為展現二人的「兄弟情」，戲中加插一幕青雲為華仔淋冰水，接受「冰桶挑戰」的鏡頭，場面既搞笑又溫馨。

雙影帝薄衣上陣

拍攝「冰桶挑戰」當天適逢天氣帶寒，導演和幕後工作人員在現場均穿風衣或外套，唯獨「雙影帝」華仔與青雲無懼涼風，以單薄拆彈制服上陣，當中華仔更要被青雲用大桶冰水由頭淋落身，絕對是望見都「心寒」。為求淋冰水鏡頭一take完成，華仔與青雲事前特意「無冰綵排」，模擬淋冰水過程好幾遍，期間二人表現雀躍，就算是綵排都表現投入，絕不欺場。

濕身華仔欲熊抱青雲

當導演大叫「Action」時，手持冰桶的青雲大叫：「唔好怪我呀！」而跪地準備接受「冰桶挑戰」的華仔亦大叫回應：「 ！ ！」之後青雲就狠狠將冰水由頭淋到華仔身上，最後全身濕透的華仔還想熊抱青雲，嚇得青雲「雞咁腳」閃開，爆笑全場。

雖然華仔與青雲是繼《嚦咕嚦咕新年財》後，相隔18年再度合作，但淋冰鏡頭順利一take過完成，足見二人默契十足並無生疏，無論演繹「好兄弟」定「死對頭」均入木三分，戲味十足。

■青雲動手舉起冰桶，華仔即高舉雙手、咬牙切齒頂硬上。

■一桶冰水照頭淋華仔，真係見到都戥他凍！

■華仔被淋到濕身，及後更作勢要熊抱青雲來報復。

■冒寒拍完淋冰桶戲後，工作人員即拿毛巾和熱茶給華仔抹身兼暖身。

娛樂