天后王菲孖李嫣過年回春 霆鋒寧願滑雪都唔陪?

·1 分鐘文章
天后王菲孖李嫣過年回春 霆鋒寧願滑雪都唔陪?
天后王菲孖李嫣過年回春 霆鋒寧願滑雪都唔陪?

天后王菲深居簡出,平時都要靠佢身邊好友晒合照先知佢近況,原來今個新年佢仍然為前夫李亞鵬旗下嘅「嫣然天使基金」出力,搞團拜派新Tee。當中藝人臧鴻飛就晒出大合照,並配文:「姐說新T很好看 我覺得姐說得對 大家支持嫣然新T恤呀!」

原來一張相都可以睇到好多嘢!
原來一張相都可以睇到好多嘢!

照片中,王菲一頭短髮,一手抬腮、一手搭喺身旁男士嘅膊頭,51歲嘅佢狀態好,仲Chok爆,更加微露鎖骨,罕有輕性感。而阿女李嫣都有出現,雖然佢同媽咪坐到勁遠,不過佢一頭黝黑長髮披肩,又嘟嘴又晒V字手勢,都被網友大讚甜美可愛。

王菲(前排左1)繼續少女,緋聞男友Ryan(前排黑衫)就坐佢身邊…
王菲(前排左1)繼續少女,緋聞男友Ryan(前排黑衫)就坐佢身邊…

不過有多位網友爆料指,王菲男友謝霆鋒喺王菲母女拜年當日,佢自己就去咗雲頂滑雪,並未有陪同女友,相反王菲緋聞男友、其助手Ryan就跟到王菲實,連合照都坐佢隔籬,令「鋒菲」分手消息再度傳起。