【好想去東京呀！】26歲日本最美的士司機 顏值高到出埋寫真

我要去東京呀！我仲想喺東京瘋狂搭的士呀！近日好多人都話要去東京，仲指到明去東京好想搭的士而唔搭鐵路，究竟係咩原因，究竟做乜事?

原來日本近年出現一位只有26歲，1992年嘅美少女成為的士司機。唔單止年紀輕輕，仲要樣貌標緻，令到唔少男士都好想坐佢架的士！而呢位美少女司機叫生田佳那（Takana Iku） ，出生於長野縣松本市，更被人稱為「日本最美的士女司機」。

好多人話佢擁有可愛甜美嘅樣貌，點解會做的士司機？其實佢大學畢業之後好希望可以加入演藝行業，仲好想成為一位模特兒。讀書時都接觸過唔少廣告、街頭拍攝或者髮型雜誌等嘅工作。吸收咗唔同經驗，樣貌標緻嘅佢覺得日後都應該會容易入行，點知原來身高只有150cm，因為身形較矮小而令到好多模特兒嘅工作不獲取錄。

除咗做模特兒之外，原來佳那對駕車都有好多興趣，但因為自己唔能夠買起一架車，所以佢就把心一橫決定成為一位的士司機。而且佳那更認為輪班工作令佢有好多自由，又可以繼續追夢，可以話係一舉兩得呀！最後佢參加咗的士公司培訓同考試，順利通過合格，最後正式成為一位的士司機。

樣子可愛又甜美，自然喺的士界成為左好多人提及嘅話題。亦因為佢嘅樣貌，引來好多平面拍照、星探邀請上電視節目同演戲機會。佳耶真係完全冇諗到當初自己唔能夠實現夢想做Model，但最後竟然因為成為的士司機，引來好多人嘅關注同認識。而2017年嘅佢更出咗首本寫真集，今年更出咗一本月曆，都可以話係一份好大嘅收獲。

想見下佳那嘅朋友，去東京嘅時候可以試下搭的士，睇下有冇機會見到佢啦！