姜濤發文稱「接受某些人道歉」同撐Edan呂爵安演唱會talk show內容留言有關？

完成個人演唱會後，姜濤暫時未有公開露面，但近日就有消息指姜濤會參加內地湖南衛視同TVB合作嘅《聲生不息》港樂季第二季，並以「受爭議頂流」稱呼姜濤。由於節目TVB有份，第一季亦喺TVB播出，姜濤會喺「隔離台」出現令消息可信性受質疑。

而姜濤尋日喺IG STORY發文表示，「謝謝大家對我的關心，我也接受某些人的道歉，我們可以對很多事情一笑置之，但希望我們在做任何事之前都三思而後行」。係咪回應《聲生不息》嘅傳聞？

日前MIRROR成員Edan（呂爵安）舉行首個個人演唱會，當中talk show環節有提及如何應對hater、「私追」（跟蹤偶像嘅瘋狂fans）等話題，從而備受爭議。Edan之後喺IG出post再提及呢啲話題，姜濤亦都有留言話「善意的批評可以接受，但我們絕對沒有理由去接受那些充滿惡意不負責任的聲音」，而呢番說話亦引起姜糖們討論。相信姜濤今次出post係作出回應。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！