娛美人:泊古天樂碼頭 林熙彤練大膽

·2 分鐘文章
Hazel還未見過古天樂,希望有機會合作拍戲。
Hazel還未見過古天樂,希望有機會合作拍戲。

邊讀設計邊做Model的18歲林熙彤,最近簽約古天樂公司旗下,大有機會跳入影壇。她自爆入行前已留意師兄ANSONBEAN和師姐譚旻萱,如今近水樓台從中偷師,望改變怕醜性格。

外表甜美的林熙彤(Hazel),16歲時因愛影相而應徵做網店模特兒,最爆是當時她正箍牙,故打定輸數,怎料一擊即中,更憑「鋼牙妹」造型引起網民注意,並被經理人Kim發掘。問覺得為何古天樂會選中她?她笑說:「我仲未見過佢。(想一齊拍戲?)都想,拍戲可以試到其他角色,成世流流長淨係做自己會好悶。(演父女?)都好呀!父女互動仲多。」又讚父母靚仔靚女,自覺遺傳了他們的強大基因!

通頂趕功課

她亦有留意公司的師兄、師姐:「好似Mandy(譚旻萱),我有睇佢拍MIRROR成員Edan嘅MV,又靚又專業;而ANSONBEAN可以好自信咁唱歌跳舞,覺得佢好大膽,我對鏡頭好怕醜,好想做到佢哋咁勁。」又笑言若師兄不嫌她蠢,好想跟他學跳舞。

正修讀副學士平面設計課程的她,平日愛因應心情而配搭衣着。同時兼顧學業和工作,她慶幸選修的學科不用考試,但卻有海量功課,近月晚晚做到凌晨4、5點,朝早9點就返學。她自認性格執着,寧願少睡也要做好,又分享小竅門:「我會將所有嘢變得好玩,可能有時要做唔鍾意嘅Poster,我會揀自己鍾意嘅內容做。」

Hazel兼顧工作與學業,寧願瞓少啲。
Hazel兼顧工作與學業,寧願瞓少啲。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能