專家：奧克蘭有機會火山爆發 30%人口將失去家園

新西蘭被喻為最理想居住嘅國家之一，有齊大自然美好風光，又充滿現代化感覺，成為唔少人最想移居嘅地方之一。不過同好多其他世界嘅地方一樣，新西蘭一樣避唔過天災之吻，最近鄰近新西蘭大城市奧克蘭嘅睡火山朗伊托托火山就有好多不尋常吧活躍舉動，令人擔心會有一次大型嘅火山爆發！奧克蘭其實可以話係千萬年前嘅火山爆發中誕生而成，周圍都有不同大細嘅睡火山、死火山，一共7座，而奧克蘭東邊威特瑪塔港就最近呢個朗伊托托火山。奧克蘭大學教授就作出評估，萬一火山大爆發，會對奧克蘭造成咩影響，文章表明，萬一火山大爆發，四周2.5公里範圍內會即時被摧毀，同時破壞整個奧克蘭交通線路，而之後火山灰將覆蓋奧克蘭各區，到時將完全不見天日，癱瘓海陸空全部交通工具。整個奧克蘭將有44萬人口痛失家園，即佔3分1奧克蘭人口。意外雖不可避免，不過及早有定準備，亦係非常重要架！

由奧克蘭大學預測嘅火山大爆發情境。

朗伊托托火山非常接近威特瑪塔海港。

奧克蘭由火山爆發而成，有爆發危機。

相關文章：

日本網民嚴選 食迴轉壽司4大乞人憎行為

人到中年先精彩 55歲完成瑞士長征單車之旅

世界最特別嘅市場 索馬里銀紙市場

【立即讚好】全新 Yahoo 旅遊 Facebook 專頁
Yahoo 旅遊以全新樣貌登場，Facebook 專頁當然同時煥然一新！立即讚好，每日睇盡旅遊新資訊！