岑杏賢嫁金融才俊 袁偉豪送祝福

·2 分鐘文章
岑杏賢接了花球一年便傳出喜訊,意頭嘅嘢咪話唔信。
岑杏賢接了花球一年便傳出喜訊,意頭嘅嘢咪話唔信。

岑杏賢對感情事一向低調,昨日卻驚爆婚訊,與圈外男友即將拉埋天窗。一班圈中好姊妹日前為她舉行婚前派對,準新娘更晒出鑽戒,幸福之情溢於言表,舊愛袁偉豪亦送上祝福。

2012年香港小姐「最上鏡小姐」岑杏賢(Jennifer)昨日32歲生日,好姊妹湯洛雯、朱千雪、張嘉兒及蔣家旻日前為她舉行生日會,豈料原來也是婚前派對。各人將相片上載到社交網,5人齊齊坐在床上合照,準新娘更大晒鑽戒,朱千雪留言:「一年前,你接到我喺婚禮上拋嘅花球。一年後,我哋為你搞婚前派對。」令婚訊曝光。

圈外男友保持低調

Jennifer接受本報訪問時難掩喜悅:「依家嘅心情仍然好開心、驚喜同好感動,因為冇諗過一班姊妹忙住工作,都為我送上最大嘅生日祝福,佢哋好錫我,知道我搵到一個適合嘅人,其他細節唔透露太多,想留番少少空間畀大家,希望你哋可以體諒,衷心多謝每一位所有嘅祝福。」她透露男友求婚已有一段時間:「冇同大家公開係因為未婚夫係圈外人,想尊重佢低調處理。」

據知,Jennifer男友Kelvin現年34歲,從事金融業,兩人發展情侶關係近一年,於去年出席朋友婚禮時邂逅,相識一、兩個月便拍拖。

張嘉兒讚好男人

Jennifer的舊愛袁偉豪向前度送上祝賀:「祝福佢哋幸福快樂!」好姊妹湯洛雯則表示知道婚訊一段時間:「好戥佢開心搵到幸福,我哋一直都好想佢搵到個適合佢而好錫佢嘅人,因為佢喺我哋心目中係個小公主。」朱千雪亦表示:「戥佢開心。希望佢幸福快樂!」蔣家旻則爆岑杏賢起初以為是個普通的生日派對,她說:「我未見過佢男朋友,同Jennifer傾偈時都從佢口中得知佢男朋友好錫佢,對佢好好,所以佢遇到一個錫佢又可以付託終身嘅男人,好替佢高興。」張嘉兒則大讚Jennifer未婚夫Kelvin很好:「戥佢開心,希望佢白頭到老永結同心!」

圖片的亮點,當然係岑杏賢手上的戒指。
圖片的亮點,當然係岑杏賢手上的戒指。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能