環球趣聞|巴基斯坦金融危機 竟呼籲民眾每日「飲少幾杯茶」慳錢?
巴基斯坦係全球最大茶葉進口國,國民平均每日可以飲8至9杯茶,可以話非常依賴,偏偏巴國自己無茶葉,所以全部幾乎都要從外來進口。因國際金融危機,今年2月巴國外匯儲備約有160億美金,但到6月時只剩下100億,按推算再過多2個月恐怕就已經乾塘。政府竟然出聲呼籲民眾「共渡難關」,就係每日飲少幾杯茶,等國家唔需要買太多茶葉。
原來巴國就去年全年進口茶葉就用咗6億美金,極為誇張;不過同時好多巴國人都話茶係不可或缺,更質疑飲少幾杯茶就可救國真係天大笑話,畢竟國際金融危機,豈係飲少幾杯就可以搞掂,反而政府應該要節省開支,例如官員及公務員減薪等。令問題推演至官民對立,巴國真係要再諗諗方法喇!
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: