張致恒IG Story指就嚟頂唔順 全家病晒電話又碎曬 唔想交唔到租再搬屋

張致恒（Steven）與老婆區燕雯（雯雯）喺2019年奉子成婚，婚後佢哋生完一個又一個，早前更迎來第四胎，四年抱四（張天寶、張天牧、張天朗及張天樂），認真厲害！

作為「多仔公」嘅張致恒係屋企嘅經濟支柱，佢喺性用品商店上班，直播sell貨及喺個人IG出PO宣傳。雖然Steven已經有工作，不過似乎生活費都好緊拙，兩公婆不時喺IG出PO，除咗雯雯表示想搵快錢之外，Steven亦有搲波鞋及整牙贊助。

去到噚日，Steven又嚟料啦！佢喺IG出Story呻攰，及指自己就嚟頂唔順及唔想再因經濟問題而搬屋，以黑底白字發文，寫上： 「我真係好攰，一直以為自己會撐得住，四個小朋友病咗個幾月，最後連自己都病埋，搭地鐵嘅時候成日企喺度瞓著左（咗），搞到個電話跌落地，而家成個電話都碎曬（晒），再加上屋企嘅經濟壓力令到我就嚟頂唔住，已經因為交唔到租搬過好多次，我真係好努力去面對，我唔想再搬屋......我真係好辛苦......如果有冇人可以幫到我。」。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！