強尼大鬥森美！網民熱議誰是最強MC：各有優缺點？

ViuTV新劇《反起跑線聯盟》今晚（21日）開播，有「ViuTV一哥」之稱嘅強尼與梁詠琪飾演夫妻，呢對組合夠晒新鮮成為話題！最近，有網民喺討論區開帖文討論，將強尼與森美作出比較，大談佢哋嘅主持功力。

網民就強尼同森美背景作比較，指二人一樣都係48歲，男校出身及大學畢業，前者係香港城市大學工程系，後者係中大傳理系。至於主持技巧方面，有網民激讚強尼識得執生，睇佢做節目好舒服，又指強尼做節目時唔會因為效果而貶低自己拍檔，又講到流利嘅三文兩語；對比森美，網民認為森美嘅普通話就有待改進，而且表示森美淨係識踩住人上。不過都有網民力撐森美，認為佢轉數快過強尼，就好似叱吒頒獎禮等現場節目，一到佢出場氣氛即時變得高漲；而強尼主持《全民造星IV》就搞唔到氣氛，又有網民重提奧運直播節目，MIRROR失控鬥搶鏡，而主持強尼並無理會；不過都有網民認為強尼同森美主持性質都唔同，無得拎嚟比較。

而其實強尼同森美都出名係好好先生。強尼與太太拍拖一個月就認定大家，一年後結婚；後來2004年無意中見到有線電視招募兼職足球評述員，令佢萌生轉行念頭，從穩定又高薪嘅建築工程師轉到演藝圈。強尼曾經分享指，太太當時相當支持佢嘅決定，又幫佢寄信同喺親戚面前講好說話，強尼亦答應太太如果三年後達唔到做建築師人工嘅8成就放棄。而強尼曾經喺有線得好少工作量，加上囝囝當時啱啱出生無耐，所以決定重回建築工程行業，僅兼職講波，將當年對太太承諾說到做到；不過恰巧收到ViuTV邀請出任《全民造星》主持而將計劃擱置，宜家仲頻頻接廣告，又喺《Chill Club》開金口唱歌、出演《暖男爸爸》等劇集，被網民大讚表現亮眼，係位全能藝人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！