雅虎香港新聞 
《後生仔》KOL去台慶冇星味 網民：X！以為係中學雞Grad Din！
今年無綫50+1台慶，除了袁偉豪、黃智雯齊奪雙料視帝、視后外，最爆當然係馮盈盈真空行紅地氈搶盡風頭！而台慶咁大件事，一班大家都未必記得名的《＃後生仔傾吓偈》KOL亦奉命出鏡充撐場面，不過就有網民笑佢哋「似足中學生去畢業聚餐」、「一點星味也沒有」學人扮明星咁話！
原文：娛聞樂｜圖片：東方新地、Instagram、Lihkg.com
延伸閱讀：
《義不容情》第5-9集劇情 | 周海媚登場暗戀溫兆倫、有康有健兄弟多次爆爭執
《義不容情》第1-4集劇情 | （附精華片段！）藍潔瑛演活窮媽媽梅芬芳 捲入謀殺案被岳華判死刑
無綫50+1台慶大日子
剛過去的星期一為TVB台慶大日子，全台上下藝人盛裝出席，逼爆舞台，一眾主持人當然企最前排，至於其他藝人的企位…… 就視乎你身份地位啦！農夫〈風生水起〉歌詞都有講啦，有啲人係「頒獎典禮裡面 鏡頭唔影呢面 觀眾睇我唔見……」
《後生仔》KOL去台慶 被批冇星味
不過日前就有網民喺討論區表示，一班大家都未必記得名的《＃後生仔傾吓偈》KOL原來亦奉命到台慶充撐場面，真係唔睇IG都唔知原來佢哋有份去，仲鬧爆佢哋衣著奇差，學人扮明星咁話！大家覺得係咪真係咁差呢？
羅詠怡(Kosa)俾人鬧得最勁：
不過人哋真係朋友嚟㗎嘛！冇話邊個黐邊個嘅～
A post shared by KosaLaw™ 羅詠怡 (@kosalaw) on Aug 26, 2018 at 7:28pm PDT
😂嘈到拆天 你哋一個二個唔食辣搞到我變咗食 毒丁一人前💀 好在Derek都食少少辣嗰邊姐～ . #啊張Mavis係女僕 #米奇老鼠 #最萌身高差
A post shared by KosaLaw™ 羅詠怡 (@kosalaw) on Sep 4, 2018 at 9:06pm PDT
羅詠怡(Kosa) 外形細細粒、眼睛細細對，畢業於浸會大學視覺藝術，其社交網站夠晒精彩，有唔少三點式泳衣照大晒身材，都有唔少男網民follow～
Kosa IG仲有唔少網民至愛睇的泳衣照～
陳欣茵(Yanyan) 低胸長裙上陣博到盡，不過網民依然負皮多多：
Yanyan現正就讀理工大學Year 4，修讀「內衣設計」，IG都勁多靚相睇，有成1萬二千幾followers，因為佢去年曾經參與Youtuber「熊仔頭」的影片拍攝，又登上過「Yes校花校草」，吸納到唔少粉絲！
蔥蔥被指似小學生蕩失路：
單眼皮女孩蔥蔥，出晒名個樣夠童顏，成個小妹妹咁，呢晚台慶的成熟打扮似乎就唔太合適，髮型set完好似無set咁……
蔥蔥現時就讀於浸會大學體育及康樂管理Year 1，一直有經營自己的YouTube頻道，內容大多係同打機相關，蔥蔥IG仲有成10萬followers！
馮盈盈噴血透視裙 同淘寶「小姐」服裝撞樣？
每年台慶，大家最關注都係一眾女星喺紅地氈上鬥靚鬥性感，而今年全場最性感就一定非馮盈盈莫屬，條裙側邊睇落完全真空，噴血程度冠絕眾女藝人！馮盈盈仲透露為咗美感同線條，連條底褲都除咗，堅係全真空！
原來老友麥明詩提議…
同淘寶「小姐」服裝撞樣？
其實馮盈盈之前都預告過台慶會隆重其事，條裙係由以色列運到港，仲係一個大品牌，「好多人爭呢條裙！」不過有網民就喺淘寶網發現咗類似款式的裙，介紹仲話係「酒店夜總會小姐工作服」……
TVB女藝員台慶紅地氈鬥搶鏡
朱晨麗以一字膊閃片長裙登場，高貴大方！
陳煒以一身蕾絲超DEEP V紅色晚裝上陣，由頭透視到腳示人，夠哂搶鏡兼性感！
人妻王君馨同樣以Deep V上陣，晒弗到漏身材！
唐詩詠以寶藍色低胸晚裝微露事業線出席台慶，激罕谷胸上陣！
黃心穎唔行性感勁保守又封胸，不過勝在由頭銀到落腳，閃爆全場！
高海寧都一樣非常密實！
姚子羚大騷白滑玉背，好正呀！
胡定欣以透視仙氣造型配400萬首飾出場，相當搶鏡！
黃翠如以一字膊上陣，望落非常醒神！
黃智雯身穿白色Deep V露背晚裝出場，都好養眼！
靚湯則又靚又性感，谷胸勁搶鏡！
傅嘉莉以紅色超Deep V出場，同樣好「胸」狠！
人妻孫慧雪同樣以紅色晚裝現身，晒出巨胸，夠哂賞心悅目！
邵珮詩大晒八字波，雖然加咗層薄紗，但依然勁性感！
伍樂怡條事業線谷到上心口！
劉穎鏇著上性感透視晚裝現身，風騷大晒玉背！
劉佩玥都唔輸蝕，同樣騷出玉背，相當養眼！
「得罪造型師」系列
陳瀅著上低胸紫裙出擊，可惜望落毫無美感，身形因條裙個cutting問題而盡失！
雖然吳沚默騷腳都幾好睇，但可惜成條裙個感覺好似馬戲團表演者多啲！
至於蝦頭造型就更嚇人，成個look望落勁錯配，猶如大媽上身！
延伸閱讀：
