愛回家丨「龔水」下周一結婚 呂慧儀上載婚照網民讚天生一對

無綫處境劇《愛·回家之開心速遞》一直深受劇迷同網民愛戴，贏盡口碑及收視。唔少劇中演員成功入屋，有幾對劇集CP仲深入民心，包括「龔水戀」及「蓮輝戀」。下星期一（27日）劇情仲會講到佢哋將會拉埋天窗一齊擺酒，日前「熊若水」呂慧儀仲喺社交網站率先上載「龔水」婚照添呀！

喺《愛·回家之開心速遞》中，熊若水（呂慧儀飾）及龔燁（張景淳飾）可以話係大家心目中嘅「最強CP」，佢哋由2019年白色情人節展開戀情，到下星期一嗰集正式拉埋天窗，唔少劇迷都好戥佢哋開心。有「龔水黨」更發起「龔水」應援活動，除咗巴士站燈箱之外，巴士車身廣告及大型廣告牌都有佢哋嘅踪影，呂慧儀及張景淳喺早前亦有特意到大型廣告牌下打卡留念。

日前呂慧儀喺社交網站上載「龔水」婚照，並留言話：「因為老闆說他很喜歡看，我很享受拍攝的過程，我很喜歡這充滿幹勁的製作團隊，我很佩服寫下這千多個故事的人，我享受追看每集故事劇本。熊家人像真的家人一樣，還有熱愛我們的你們，投入看每一集的你們，為我們應援的你們，街上碰面合照的你們，這些都是最真切又親切的感受都是最好的強心針，所以感謝你們每一位投票給我的朋友，我會繼續努力的。 #喜愛我們的 #未投票就要快啲投票 #記得投埋愛回家之開心速遞 #其實熊家三姊妹我都好喜歡 #我最喜愛 #你們喜愛的 #奬項有沒有 #因素也太多 #謹記我初心 #順其自然就好 #謝謝你們的自發善舉 #謝謝你們的自發應援 #第一次見電視角色都有這些大規模應援 #我全都在心中 #無限感恩 #給喜歡龔水的你 #來多幾張福利圖 #認真製作到我第一次在香港影 #prewedding #真結婚都應該沒那麼累 #好曬好熱的那天 #龔水​​」唔少網民睇完婚照後，都紛紛留言大讚二人合襯及影得好靚，例如「哇 好美的龔水婚紗照啊 水水的婚紗好仙女啊 不管獎項如何 你們就是我心目中的最佳拍檔」、「呢輯pre-wedding相影得蟹蟹好靚吖 Stanley好型吖 兩個好襯吖 簡直係天生一對 期待1227龔水大婚 睇完caption喊左 嗯在心中 努力繼續投票 」、「婚紗相好靚呀 龔水繼續加油，繼續支持你們!!!」及「嘩嘩嘩！蟹蟹好性感好索！真係睇到流鼻血！龔水婚照好認真好靚，多謝劇組用心！我地係因為你地既熱血工作，先一樣咁熱血去拼命支持！ #龔水世一 #一日龔水糖一世龔水黨」

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！