愛回家丨熊心如與TT去歐遊公幹 傳蘇韻姿暫別劇組網民感不捨
TVB處境劇《愛·回家之開心速遞》深得觀眾喜愛,除咗劇情輕鬆搞笑又溫馨之外,一班演員亦演得非常出色,佢哋更成功憑劇中角色成功入屋,當中包括飾演三姨熊心如嘅蘇韻姿(Andrea)。不過最新嘅劇情就講到佢選擇同曾經拒絕過佢嘅前曖昧對象TT朱天梯(梁証嘉飾)前往歐遊公幹,呢個劇情嘅鋪排令網民懷疑蘇韻姿將暫別劇組,紛紛留言大感不捨。
最新劇情講到A1嘅熊心如,只係同池子孝(阮政峰飾)拍過拖,雖然之後都有唔少傾慕佢嘅對象出現,不過都冇令佢心動,唔少網民都非常關心佢嘅感情生活。「風少」龍璟風(陳浚霆飾)喺劇集初期係以鬼魂身份出現喺熊家,當時嘅佢已經同心如有少少曖昧,而家已經係人嘅風少,最近發現自己鍾意咗心如,不過可惜TT突然出現,TT係心如第一個鐘意嘅男仔,雖然當時嘅TT仲拒絕咗心如,不過心如喺重遇TT後心情竟然忐忐忑忑。而風少就變得變得神不守舍,得到栢菲(湯盈盈飾)嘅鼓勵後就希望可以盡快同心如表白,不過可惜心如都係決定同TT前往歐遊公幹。
呢個劇情嘅鋪排令網民懷疑蘇韻姿將暫別劇組,紛紛留言大感不捨,例如「愛回家已經沒有安仔,如果冇埋心如,怎樣看下去」、「出去拍劇?」、「女神要離開愛回家?唔好走啦好唔捨得 期待睇風少同你呢一pair CP」、「若缺少了心如,熊家始終欠缺完整」、「心如要走? 唔係啩」、「心如真係要暫別愛回家嗎?可唔可以唔好呀 仲想見到風如一齊㗎!」、「我有少少驚...心如係咪真係離開愛回家?唔會返嚟嗎?」及「Andrea are you leaving 愛回家?please no…」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!